22
lean? Dákkár gažaldagaide ii gávdno čielga vástádus – aŋkke
muhtumat otne nie jurddašit. Ovdalis lei dábálaš jurddašit ahte
mu identitehta lei sorjavaš náššuvnnalaš sierranasvuođain (sá-
mit, dážat, duiskalaččat, pakistánalaččat jna. leat nuo dahje ná),
oaidnit mii dálá áiggis gažaldaga eanet daid persovnnalaš vállje-
jumiid ektui maid mii dahkat. Dieđusge eai leat buot bohtosat
válljejumi duohken. Árbi ja biras maid váikkuha ja ráddje min
válljejumiid. Identitehta lea danin boađus sihke das maid mii
oažžut ja das maid mii ieža válljet. Danin dadjat mii ahte mii
hukset
iežamet identitehta daid vejolašvuođain mat mis leat
ja daid válljejumiin maid mii dahkat. Identitehtat leat dávjá
juoga maid mii hutkat vai juoga juksat, omd. gávnnahan dihtii
geat gullet «min» jovkui, ja geat gullet «earáid» jovkui. Dát
gohčoduvvo
konstruktiivalaš
identitehta oaidnu. Dán oainnu
mielde hábmet mii kultuvrralaš minstariid daid válljejumiid ja
daguid čađa maid mii dahkat. Muhtun válljejumit leat midjiide
deháleabbon go nuppit, ja dat mávssoleamos válljejumit leat dat
mat bistet guhkit áiggi vaikko vel dat sáhttetge rievdaduvvot
go dahkat ođđa dovddiidusa. Min
persovnnalaš
identitehta ii
dárbbaš leat dat seammá olles eallinagi, muhto dat válljejumit
maid mii dahkat čatnan dihtii iežamet (dahje ráddjet iežamet
eret dihto joavkkuin) dihto joavkkuide servodagas, leat eanet
bistevačča.
•
Leago buot dušše válljen go mun dahje mii galgat ávdnet identiteh-
ta? Man láhkái ráddjejuvvojit min válljenvejolašvuođat árbbis ja
birrasis?
•
Makkár váikkuhusat eallimis sáhttet leat mearrideaddjin dan per-
sovnnas gii mun háliidan leat? Leago persovnnalaš identitehta
válljen,
friddja
válljen? Gos bohtet váikkuhusat? Leago makkárge
váikkuhusat deháleabbon go earát, ja jus leat, manne?
•
Mo áiggot don válddahit iežat identitehta? Makkár rolla lea das
go áiggot leat sápmelaš dán oktavuođas? Mii lea dat ahte leat
sápmelaš? Gávdnogo mihkkige maid sáhttit gohčodit «sámevuoh-
ta»? Mii lea deháleamos go áiggot ásahit identitehta?
