13
dilálašvuođas mii váikkuha midjiide. Sokrates oaivvildii ahte
buot olbmuin lei máhttu dan birra mii lea, muhto ahte beaivválaš
eallima doaimmat dagahit ahte mii dan vajáldahttit. Juohke
dovddiidus lea danin muittuheapmi das maid leat vajáldahttán.
Dan maid Sokrates geahččalii dahkat go vádjolii Atena gáhtaid
mielde, lei jearahallat olbmuid dakkár vuogi mielde ahte son
muittuhii sin daid birra maid sii jo ovdalis dihte, muhto ledje
vajáldahttán.
Dat nu gohčoduvvon
Sokratalaš vuohki
lei ahte hálešteaddjái
bidjat gažaldagaid mat gáibidedje dađistaga čiekŋalet dovddii-
dusa. Ja dat lei dehálaš go galggai cuiggodit beahttaleaddji
ákkastallama, návccahis logihka ja váilevaš konklušuvnnaid.
Iežas doaimma buohtastahtii son dainna bargguin maid jordda-
movra dahká: son háliidii «riegádahttit» dovddiidusa ja ođđa
oainnu sihke alcces ja sidjiide geainna son háleštii. Sutnje lei
dehálaš ahte juohke okta ieš sáhtii čoavdit duohtavuođa dovddii-
dusa, muhto vuogas livččii lean «álgoveahkki». (Sokratesa iežas
eadni galggai lean jorddamovra.)
Muđui lea viera namahit ahte Sokratesa vuolgga lei muhtun
cealkka maid son lei ožžon dan ipmilis gii sártnui Del�i oráke-
la čađa. Das son bođii diehtit ahte son, Sokrates, lei viisámus
buot olbmuid gaskkas. Ieš son ii ožžon dan riekta heivet, ja
son dagai dan iežas eallima áigumuššan oažžut das čielgasa.
Sokrates: «Dat gii diehtá mii lea riekta,
dahká riekta. Diehtu dagaha doaimma,
dan dihtii leat dagut ulmmálaččat».
© Britt Hansen.
