3
Láidehus filosofiija ja etihkka
oahppogirjái
Olbmot leat álo imaštan manne mii leat, ja mii buorre eallin
lea. Dát leat gažaldagat maid ii sáhte vástidit oktageardánit. Dat
leat �ilosofalaš gažaldagat. Filoso�iija meannuda nappo áššiid
masa eai gávdno čielga ja rivttes vástádusat. Datte mii eat sáhte
garvit �iloso�iija. Dat lea vuođđun visot min válljemiidda. Go mii
válljet, de mii leat maiddái árvvoštallan ja smiehttan válljema
birra ovdal go válljiimet. Du válljemat čájehit makkár �ilosofalaš
vuođđu ja jurdagat dus leat. Gos bohtet dát �ilosofalaš jurda-
gat? Dat bohtet dan kultuvrras, eallinvuogis, ideaid ja jurdagiid
bokte mo olbmot du guovllus jurddašit dál ja leat jurddašan áig-
giid čađa. Dávjá mii čuovvut guovllu ja servodaga váldoideaid
ja oaiviliid, ja meinnegiid mat ráđđejit iežamet kultuvrras ja
eallinvugiin. Filoso�iija dáhttu olbmuid jurddašit ja árvvoštallat
oaiviliid váldoideaid ja meinnegiid mat ráđđejit kultuvrras. Ii
dušše čuovvut váldorávnnji. Dán láhkai mii iežamet jurdagiid
ja ideaid vuođul hukset alcceseamet buori eallima.
Etihkka gullá maid �iloso�iijii, muhto meannuda áššiid mat guora-
hallet mii lea riekta ja mii lea boastut. Buot servodagain leat
norpmat dahje njuolggadusat maid buohkat dovdet. Dat eai leat
čállon girjiide ja pláhkkáhiidda, muhto áiggiid čađa sajáiduvvan
ja šaddan norbman. Min servodagas ii leat dábálaš váldit nuppi
sátkku ja ieš geavahišgoahtit dan sátkun. Ii leat gosage čállon
ahte dan ii oačču, muhto olles servodat dovdá ja čuovvu norpma
mii daguha ahte mii diktit olbmuid sátkkuid rá�is. Olbmot servo-
dagas geat rihkkot norpma, meroštallojit eahpemorálalažžan,
dahje ahte sin dahkku meroštallo eahpemorálalažžan.
Dán girjji logadettiin oahpásmuvvabehtet muhtin dovddus
�ilosofaide. Dii beassabehtet lohkat, digaštallat, ságastit ja ovttas
dutkat áigeguovdilis �ilosofalaš fáttáid ja ehtalaš čuolbmagažal-
dagaid maidda eai gávdno oktageardánis vástádusat.
