18
Aristotelesa stuorámus sivva eahpidit Platona jurddašeami,
lei ahte jurddaoahppa ii sáhttán čilget
rievdadusa.
Jurdagiid
máilbmi lei Aristotelesa oaivila mielde menddo ollu luvvejuvvon
dávviris ja danin ii sáhttán čilget manne ovdamearkka dihtii gilv-
va rievdá hámis ja šaddá šaddun. Čoavddus, su oaivila mielde,
lei ahte dávvira hápmi ii sáhttán doaibmat sorjjakeahttá dan
oinnolaš dávviris. Hápmi fertii leat ieš dan dávviris. Aristotelesas
lei jurdda ja hápmi dat seammá, ja lea dávvira hápmi mii dahká
áhte dávvir sáhttá rievdat ja šaddat danin mii lea jurddašuvvon
dat galgá leat. Son jurddašii nu ahte buot dávvirat rahčet
ollašuhttit iežaset
hámi
: háikaniehtti rahčá šaddat háikamuor-
ran buot daid attáldagaiguin mat das leat – nugo borahahtti
niehtis gitta lastakruvdnui. Rievdamis dahje ovdáneamis lea
danin álo
ulbmil
. Dát rahčan ulbmila maŋis, gullá niehti hápmái.
Buot ealli ávdnasiin, Aristoteles oaivila mielde, lea eallinnákca
ja eallinfápmu mii veahkeha dan rievdadit hámi ja šaddat juoga
mii dat ii vuos leat. Jápma dávviriin (nugo geđggiin) ii leat dat
eallinnákca eaige sáhte rievdat, earret dalle go eará ávdnasat
váikkuhit daid nu ahte dat molsot hámi.
Aristoteles atnojuvvo leat biologiija
dieđasuorggi vuođđudeaddjin.
© Sølvi Myrskog.
