15
Christian Magnus Falsen (1782-1830)
Christian Magnus Falsen lei oahppan
jurista ja válljejuvvon Stuorradiggái
Akershusa ámttas. Son lei Eidsvolla
iešheanalašvuođabellodaga jođiheaddji,
ja ovttas lektoriin Johan Gunder Adler
čálii son evttohusa mii šattai
Vuođđoláhkii vuođđun. Eidsvollas lei
son vuođđudanlávdegotti jođiheaddji ja
riikasearvegotti presideanta vihtta
váhku dan guđa váhkus go dat lei
čoahkis. Son lei fámolaš jođiheaddji ja
lei riidálas. Maŋŋá Mossjulggáštusa
šattai son ámtaolmmái Nordre Berghus
ámttas. Jagi 1815:s beasai son fas
Stuorradiggái ja šattai dađistaga okta
dain gii Karl Johana doarjjui. Christian Magnus Falsen lea gohčoduvvon
Vuođđolága áhččin.
Greva Herman Wedel Jarlsberg
(1779-1840)
Greva Herman Wedel Jarlsberg lei
oahppan jurista. Jagi 1807:s šattai son
ovdaolmmoš providerenlávdegottis ja
su ovddasvástádus lei lágidit
gordneváráiduhttima Norgii Stuorra
Británnia soađi vuolde. Wedel
Jarlsberg lei miellahttu
ráđđehuskommišuvnnas jagi 1808 rájes
ja barggai oččodit iešheanalaš norgalaš
politihka opposišuvdnan
ollestáhtapolitihkkii. Son lei fárus
vuođđudeamen Gonagaslaš Searvvi
Norgii Buorrin jagis 1809:s ja áŋgirušai
hukset sierra norgalaš universitehta. Universitehta mearriduvvui ásahuvvot jagis
1811. Eidsvollas son lei Ovttastusbellodaga jođiheaddji. Son ii jáhkkán Kristian
Fredrika politihkkii ja vuosttildii dan. Gitta jagi 1822 rádjái son lei
ruhtaovddasvástideaddji stáhtaráđđi. Son lei Stuorradikkie áirras 1824 rájes gitta
1830 rádjái ja maŋgga gearddi stuorradiggepresideanta. Jagi 1836 rájes lei son
