5
álbmotsuverenitehta oahppu lei bures dovddus njunuš ámmátolbmuid gaskkas,
muhto ii ovddiduvvon makkárge gáibádus oažžut iešheanalaš norgalaš stáhta.
Guokte ámmátolbmo geat garrasamosit vuostálasttiiga dánska-norgga ollesstáhta
ovdal jagi 1814, greva Herman Wedel Jarlsberg (1779-1840) ja Jacob Aall
(1773-1844), oinniiga ahte ovttastus Ruotain dáiddašii buoret molssaeaktun.
Sudno ággan lei ahte Norga 1800-logu álggus ain lei ekonomaláččat
geanoheapmin ja ii ge láddan kultuvrralaččat ja dan dihtii ii galggašii šaddat
iešheanalaš stáhtan.
Geardduhangažaldagat
1.
Mat guovllut gulle Danmárku-Norgii?
2.
Gos lei stáhta oaivegávpot?
3.
Mat ledje norgalaš dehálamos ealáhusat?
4.
Mii lei norgalaš patriotismma dovdomearkan?
5.
Mii lei Norgga Searvi?
6.
Makkár ásahusaid ovddas áŋgirušše norgalaš patriohtisma?
7.
Mii lei “Gonagaslaš Searvi Norgii Buorrin”?
8.
Mo dagahii jagi 1807 soahti ođđa dili Norgii?
