35
servvoštallá spábbačiekčanjoavkku gánddaiguin, vaikke su
spábbačiekčankarrieara lea nohkan.
Gii lea Piera? Son lea sámegánda, Niillasa ja Rávnná gánda ja
Lena viellja. Son lea muhtun sámeskuvlla oahppi, ja gánda
dahje lunta gii ii lihkostuvvan spábbačiekčin. Son lea Trunne,
Leiffa, Ásllaha ja Lásse skihpár dahje olmmái. De vel čuojaha
joavkkus Jovnnain ja Risteniin.
Muhtun joavkkuide válljet mii ieža searvat ja muhtun
joavkkuide eat vállje searvat. Maid lea Piera válljen ja maid
ii leat válljen?
Jus mis lea gullevašvuođa muhtun jovkui, de sáhttit dovdat
oadjebasvuođa. Joavkkus dovdat iežamet lágan olbmuid,
geat áddejit dahje ipmirdit min ja geat beroštit mis.
Gullevašvuohta diekkáraš joavkkuide sáhttá leat hui garas,
ja sosialiseren mii dáhpáhuvvá diekkáraš joavkkuid siste, lea
hui effektiiva. Midjiidemearkkaša hirbmat ollumaid joavkkus
oaivvildit, danne go joavku lea nu dehálaš midjiide. Ollugat
barget vaikke maid vai besset leat mielde iežaset joavkkus,
vaikke eai leat ovttaoaivilis buot áššiin.
Piera lei álgán spáppa
čiekčat, muhto de
dolkkai das ja searvvai
čuojahanjovkui.
