43
laččat gillájit alkoholaváttisvuođaiguin. Eatnašat álget
nuorran juo juhkat. Duođaid ná lea: Mađi árat don juhka
goađát, dađi stuorát vejolašvuohta lea oažžut jugešvuođa
váttisvuođaid maŋŋelis eallimis.
Eará gárrenmirkkot
Go deavddát 18 jagi, de beasat oastit alkohola lobálaččat.
Eará gárrenmirkkuid dego narkotihka ii leat lohpi geavahit.
Ii leat lohpi oamastit ii ge vuovdit ge daid. Norggas ledje
2002:s gaskal 11 000 ja 15 000 duháha narkogeavaheaddji
geat geavahedje čuggestatnáluid. Máŋggas leat heahtedilis
dasgo gárrenmirkkot leat divrasat. Nuorra narkotihka geava
headdjit sáhttet suoládit, rievidit dahje fuorástit vai fidnejit
ruđa dáidda mirkkuide.
Ollugat barget ollu jallaid juhkanvuođas
dahje gárremiin ja dagahit iežaset ja earáid
váttisvuođaide. Norggas lea 0,2 promilla
rádji biilavuodjimis. Juhkan dahje gárren
biilavuoddjis lea 160 geardde stuorát várra
goddot vuojedettiin go čielggos biilavuoddjis.
Vuodjin juhkanvuođas dahje gárremiin
ráŋggáštuvvo garrasit. Mađi eanet promilla
dađi garraset ráŋggáštus.
• Juohkehaš gii gávnnahallo vuodjimin
juhkanvuođas dahje gárremiin, massá
vuodjingoartta unnimusat jahkái.
MUITTÁT GO?
1 čilge sáni: iešdovdu
2 Maid mearkkaša dajaldat suollemas máinnus?
3 Mat leat gárrenmirkkot?
4 Mii lea promillarádji Norggas?
Juhkanvuođas vuodjit
• Buohkat fertejit máksit garra sáhku
(dávjá beannot mánnobálkká)
• Jus lea promilla gaskal 0,5
ja 1, de oažžu vel evttolaš
giddagasráŋggáštusa.
• Jus lea promilla gaskal 1 ja 1,5, de
oažžu giddagasráŋggáštusa, juogo
evttolaš dahje eavttuhis duomu.
• Badjel 1,5 promilla de lea eavttuhis
giddagasduopmu.
