40
Muhtumat háliidit jáhkihit dutnje ahte liiki šaddá litná
seabbon go geavahat Dove, ja bániide eai iđe ráiggit go
geavahat Colgate, dahje dearvvašvuohta buorrána Møller
guollevuojain. Don áddet dahje ipmirdat ahte dát lea máin
nus muhtun gálvvuid birra maid vuovdalit dutnje.
Dan lassin sáhttet maiddái
suollemas máidnosat
váikkuhit.
Ovdamearkka dihtii sáhttet leat máidnosat maid gullat
gullogovain, dahje lohkat áviisačállosiin, románain dahje
oaidnit TV-filmmain.
Go sáŋgár juhká Coca Cola dávjjibut go Fanta amerihkálaš
filmmain, de dat lea suollemas máinnus. Suollemas máinnus
lea dego dábálaš máinnus, muhto dávjá it ádde ahte suolle
mas máinnus váikkuha dutnje.
Máidnosat leat mielde sosialiseremin min go dat muitalit
midjiidemii lea buorre, riekta, normála ja čáppat. Gomáinnus
dutnje muitala ahte dus jávket čihkalasat go geavahat
muhtun lágan vuoidasa, de muitala maiddái dutnje ahte dat
lea buorre, riekta, čáppat ja normála ahte leat čihkalasaid
haga. Buohkat han dihtet ahte nuorravuhtii gullet čihkalasat.
Ja vaikke du ráhkkása moadde čihkalasa eai daga su unnit
čáppisin, de lea álki dovdat iežas ropmin, heittogin ja
eahpenormálain danne go dus lea čihkalas guovdu njuni.
Máidnosat han juo leat nu dadjan duhát geardde.
Máidnosat leat oainnat ráhkaduvvon dan láhkai ahte vuovdit
eanemus lági mielde, ii dan dihtii ahte muitalit duohtavuođa
gálvvu birra mii fállojuvvo. Danne sáhttet nuorat geat
juhket Coca-Cola, leat dego buoremus valáštallin, vaikke
borramuša áššedovdit muitalit ge ahte buoidun lea váddu
nuoraid gaskkas mii lea lassáneamen, aiddo badjelmearálaš
sohkkariid geavaheami geažil. Cola-máinnus ii vuovdde
dutnje dan juhkamuššan, muhto vuovdaladdá identitehta
mii lea čadnojuvvon Cola-juhkosii.
