34
vuohta bealuštit oaiviliiddis. Sosialiserema áigumuš min
riikkas lea ahte
heivehit du
servvodahkii gos don ealát ja
maiddái dutnje oahpahit
iešráđálašvuođa.
Go galggat oahppat šaddat iešráđálažžan, de gal ii leat nu
ártet ahte čuožžilit riiddut. Goas galggat čuovvut váhnemiid
ja eará rávisolbmuid rávvagiid ja goas galggat ieš mearridit?
Joavkkut ja sosialiserenoktavuođat
Buot olbmot leat mielde máŋgga lágan joavkkuin ja oktasaš
vuođain.
Muhtun joavkkuide leat riegádan. Muhtun joavkkuin eat
beasa eret vaikke háliidivččiimet. Sohkabealli, liikeivdni,
nášuvnnalašvuohta ja eatnigiella leat áššit maid eat sáhte
rievdadit. Danne leat ge diet áššit hirbmat dehálaš bealit
olbmo identitehtas.
Eará joavkkuide leat mii sosialiserejuvvon. Ovdamearkka
dihtii lea Norggas áibbas dábálaš ahte gánddat ja nieiddat
valástallet. Go Piera lei gávcci jahkásaš, čiekčagođii son
spáppa. Ii son lean nu buorre čiekči ja dan sivas ii lean su
mielas nu somá ge čiekčat spáppa. Muhto buot su skihpárat
manne spábbačiekčanjovkui ja nu háliidii son ge. Váhnemat
fas ledje duhtavaččat das go sus ledje «astoáiggedoaimmat».
Nu soai čuoččuiga dávjá siidolinnjás ja doarjjuiga su.
Dađi mielde go mii šaddat boarráseabbon, de mearridit
ieža eanaš mearrádusaid. Go Piera lei 13 jagi, de lei dolkan
spábbačiekčamis. Ii son ahtanuššan čiekčin, ja son oaččui
unnán čiekčanáiggi. Muhto ovdalaš juovllaid oaččui gitára.
Son álggii gieldda/suohkana kulturskuvlii, ja oahpaheaddji
rámidišgođii su. Son dajai ahte Pieras lei čuojahan- ja
lávluntaleanta.
Nuoraidskuvllas Piera oahpásmuvai Jovnnain ja Risteniin,
geat guktot leigga vázzán eará mánáidskuvlla go son.
Jovnna ja Risten leaba ovttas čuojahan juo muhtun áigge, ja
Piera searvá maiddái sudno čuojahanjovkui. Joavkkus lávlu
Risten ja bártniguovttos čuojaheaba gitára. Sii hárjehallet
fásta guokte eahkeda vahkus. Muhto muđui gal Piera
