28
※
Identitehta ja báinnašumit
Dán oasis galggat oahppat
• identitehta ja identitehtašaddan
• sosialiseren ja joavkogullevašvuohta
• man láhkai mii neaktit iešguđet rollaid
• mat leat mat báidnet min iešgova ja iešdovddu
• máidnosiid báidnimat
• gárrenmirkkot
Gii leat don?
Leat go don váibbas iđđedis skuvllas? Šattat go movtta
čakčat? Jurddašat go áššiid maid it daja jitnosit, vai hálat
dahje humat go don oppa áigge? Niegadalat go vuolgit eará
sajiide? Leat go dus ollu skihpárat dahje olbmát geaiguin
don servvoštalat, vai leat go dus dušše moadde buorre
skihpára? Liikot go olbmuide geat leat jálut ja dustet dadjat
buot maid oaivvildit, vai háliidat go servvoštallat singuin
geat eai nu bahkke oidnosii? Leat go hárjánan oažžut iežat
dáhtu, vai leat go hárjánan bargat iežat áigumušaid bealis?
Lea go dehálaš ahte don leat earáid mielas čáppa dahje ahte
dus leat čáppa biktasat? Háliidat go don ahte leat earáid
mielas šiega?
Buotmii dus lea jamii leadubirrasis, leamielde ráhkadeamen
du
identitehta.
Ollu nuorat geavahit ollu fámuid ja jurdagiid
go galget gávdnat iežaset identitehta. Máŋgasat háliidit
luovvanit váhnemiid oaiviliin ja maid dat dadjet, vai besset
čájehit ahte sii eai leat šat mánát, muhto iešbirgejeaddji
olbmot.
máinnus:
reklame
