22
seamma olu oahppit go skuvllas leat ceahkit. Juohke ceah
kis válljejuvvo okta oahppi. Leat go dis luohttámušoahppit?»
jearrá Joavvá nubbi dán sáttatolbmo guoktás. Son gullá
logát ceahkkái ja lea leamaš jođiheaddjin diibmá. Emmá
movttáskii. «Juo,» dadjá son ja nivkalii. «Dalle galggat don
boahtit ohppiidráđđečoahkkimii duorastaga gaskadiimmus,
kantiinnas. Mii leat ráhkkaneamen ohppiidráđđeválgii.»«Na vuoi, mun lean dalle bátnedoaktára lusa,» dadjá Emmá.
«Dalle boahtá du várrelahttu,» čilge Joavvá.
Čuovvovaš vahkus galggai ohppiidráđđi
vuođđuduvvot,
nu
daddjon ahte dalle válljejuvvojit ságadoalli, várreságadoalli
ja čálli. Guovttis leigga lohpidan jođiheaddji evttohassan,
Biggá ovccát ceahkis, gii lei várrelahttun diibmá, ja okta
logát ceahkis. Vaikke gávccát ceahki oahppit eai dovdan
evttohuvvon evttohasaid, de goittotge lei sin mielas geld
dolaš válggas leat mielde. Emmá válljejuvvui ohppiidráđi
čállin danne go buot gávccát ceahki oahppit jienastedje su.
Su bargun šattai leat ohppiidráđđečállin ja čállit beavdegirjji.
Buot skuvllat 5. ceahkis 10. ceahkkái ja joatkkaskuvllat leat
geatnegahtton doalahit ohppiidráđi. Ráđđi galgá vuođđu
duvvot maŋimustá golbma vahku skuvlaálgima maŋŋá.
Skuvlaservodagas leat eará orgánat váhnemiidda, bargiide
ja báikkálaš politihkkáriidda. Skuvllaid gaskkas gávdnojit
erohusat ja gielddas gildii dahje suohkanis suohkanii. Bivdde
iežat oahpaheaddji muitalit mo din skuvllas lea!
MUITTÁT GO?
1 Mii lea sáttatolmmoš?
2 Namut oasi luohttámušoahppi doaimmain!
3 Mii lea várrelahttu?
4 Ohppiidráđis galget válljejuvvot golbma olbmo golmma
dehálaš doibmii, mat dat leat?
