25
GUORAHALLAN
Kapihttala álggus lohket greikalaš filosofa Sokrates birra. Su
oaidnu han lei ahte dat mii lea buorre ja vuoiggalaš olbmuide,
lea buot deháleamos.
Ollu han boahtá maiddái bajásgeassimis.
Dát heive joavkobargun, golmmas-njealjis joavkkus.
Lea leamaš nu Sámis ahte mánát árrat čatnasedje bargodillái.
Dat lei dehálaš mánáid bajásgeassimis. Dábálaš lei nu ahte
nieiddat čuvodedje nissoniid sin bargguin. Gánddat dahje
bártnit fas almmáiolbmuid dahje dievdduid. Jus bearrašis ledje
dušše nieiddat, de dat dieđos serve buotlágan bargguide.
Go mánát eai lean ollesolbmuid dahje rávisolbmuid olámuttus
ja dakko lahka lei jávri dahje johka, de mánát eai duostan
gálašit iehčanassii. Dalle sáhtii čáhcerávga dahje guovdi váldit
sin. Dan ohppe ruovttuin. Dákkár máidnasat ledje dehálaččat
mánáid bajásgeassimis – ja vissa geavahuvvojit ain otne
soaittáhagas.
Guorahallet váhnenbuolvva mánáid bajásgeassima dábiid
ja njuolggadusaid. Čállet essaya dan birra ja buktet ovdan
ceahkis.
