Čoahkkáigeassu
Skuvlla ulbmilin lea ohppiid oahpahit digaštallat, ákkastallat
sin oaiviliid ja dahkat mearrádusaid. Danne fertejit sii oahp
pat buriid čoahkkinvieruid. Ságadoalli jođiha digaštallama,
čálli čállá mearrádusaid beavdegirjái ja ságastallit čálihit
iežaset sáhkavuorrolistii ja ožžot sátnevuoru vuoruid mielde.
Jus lea stuorra čoahkkin, de sáhttá geavahit rehkenastin
joavkku. Čálalaš jienasteami ferte doallat jus beare okta
čoahkkinlahtuin gáibida dan. Čoahkkinvierut leat buot ser
vodaga dásiin.
Ceahki oahpahusdiimmus ságastallojuvvojit dávjá áššit
mat gusket ceahki ja skuvlla birrasii. Ceahki oahppit galget
válljet alcceseaset luohttámušoahppi gii galgá leat mielde
mearrideamen geat galget čohkkát skuvlla ohppiidráđis.
Go dollojuvvo válga, de leat dávjá máŋga evttohasa geaid
gaskkas sáhttá válljet. Luohttámušoahppit galget leat
«ceahki gulahallanjietna». Sii sáhttet váldit ovdan áššiid
mat gusket oahpahussii ja ceahki birrasii, ja evttohit áššiid
ohppiidráđđái.
Váhnemiin, bargiin ja báikkálaš politihkkáriin leat maid
orgánat dahje ráđit sin áššiide. Ohppiidráđđi lea ohppiid
dehálamos orgána ja gulahallanjietna. Buot cehkiin leat
ovddasteaddjit doppe, ja oahppit galget ieža válljet ohppiid
ráđđestivrra. Buot skuvllat 5. ceahkis 10. ceahkkái ja joatkka
skuvllat leat geatnegahtton válljet ohppiidráđi.
Gažaldagat
1 Manne galgat mii oahppat buriid čoahkkinvieruid skuvllas?
2 Makkár áššiid galget buot oahppit beassat leat mielde
mearrideamen?
3 Geat leat «ceahki gulahallanjietna» ja makkár doaimmat leat
sis?
4 Geat čohkkájit ohppiidráđis?
23
