Čiekŋudeapmi
1 Makkár oktavuođas geavahii gávccát
ceahkki čálalaš jienasteami? Manne eai
geavahan giehtageigen jienasteami?
Čále maid iežat mearkkašumiid.
2 a) Galle oahppi ledje gávccát ceahkis?
á) Geat šadde luohttámušoahppin?
Čilge man láhkai don gávdnet iežat
vástádusa!
3 Makkár áššiid háliidat don ahte
ohppiidráđđi galgá ovdan váldit din
skuvllas? Čále listta!
4 Ráhkadehket joavkkuid! Válljejehket
sátnejođiheaddji ja čálli juohke jovkui!
Čuvvot ortnetnjuolggadusaid ja
digaštallet makkár áššiid dii háliidehpet
váldit ovdan ceahki diimmus!
Digaštallet maiddái áššiid maid dii
háliidehpet ahte ohppiidráđđi galgá
gieđahallat! Válljejehket ovtta ášši
iežadet listtas. Vuođuštehket ášši ja
gávnnahehket unnimusat golbma ákka
iežadet oaiviliidda! Čállit galget loahpas
almmuhit bohtosiid olles ceahkkái.
5 Gažadehket eará ceahki ohppiid
árvosániid birra! Gohččot ohppiid
vuođuštit iežaset oaiviliid!
6 Ráhkadehket logahallama das mo din
skuvla lea organiserejuvvon!
7 Geat leat ohppiidráđis? Gii lea ohppiid
ráđi ságadoalli, várreságadoalli ja čálli?
8 Gii lea ceahki luohttámušoahppi?
9 Lea go váhnemiin maid seammalágan
orgána go ohppiidráđđi?
10 Skuvla lea nuppástuvvan ollu dan
maŋimuš čuohtejagis. Otná beaivvi
oahppis lea stuorát váikkuhanváldi iežas
beaivválaš dillái. Dávjá hállojuvvo ahte
galgá «váldit ovddasvástádusa iežas
oahpahusa ovddas». Maid diet máksá
dahje mearkkaša? Sáhtát go mahká ieš
válljet maid háliidat oahppat, man ollu
don galggat bargat ja goas don galggat
bargat? Makkár áššiid galggašedje
oahppit beassat mearridit?
11 Eanaš skuvllain lea LMS-prográmma.
Geavat dan vai beasat čáttet eará
ohppiin iežat ceahkis man oaivilis sii leat
din oktasaš skuvladilis.
GAŽALDAGAT
1 Manne ságastallat mii ovttas?
2 Dárbbašit go mii vázzit skuvlla vai
oahppat?
3 Mo sáhttá oaidnit lea go njuolggadus
buorre njuolggadus?
4 Manne lea dehálaš jurddašit iežas oivviin
go máŋgii lea nu ahte earát dihtet
buorebut go don?
5 Mii lea dehálamos: áddet iežat vai ahte
earát áddejit du?
24
