36
Rollat ja rollaid neaktit
Go neavttár lea mielde muhtun teáhter
čájálmasas, de manná son
rolla
sisa. Nie lea
maiddái árgabeaivvi rollaid gaskkas erohus
maid mii neaktit. Rolla mii dus lea ceahkis,
sáhttá leat áibbas eará gomii dus lea ruovttus
dahje ustitjoavkkus.
Teáhterčájálmasa rollii leat čatnasan sierra
iešvuođat ja sierra láhttenvuogit. Nie leat
dávjá maiddái rollat maid neaktit árga
beaivvis ge. Rollaid iešvuođat leat ge iešguđet
láganat. Go neavttát spábbačiekčanjoavkku
kapteaidnan, de gullá dasa várra veahá gar
rudeapmi. Go neavttát nieidan dahje oahp
pin, de ii leat dohkálaš geavahit romis giela.
Lea lunddolaš ja dárbbašlaš ahte mii neaktit
iešguđet rollaid eallimis. Buot rollat leat min
identitehta bealit. Muhto muhtumin neaktit
mii rollaid mat eai leat miela mielde ja dahkat
daguid maidda eat ieža ge liiko. Dahje dadjat
maid eat oaivvil, danne go eat duostta čájehit
geat mii leat. Mii eat duostta
leat iehčanan.
Iešdovdu
Mii háliidit leat muhtun, leat geasa nu juoidá.
Mii eat hálit dovdat ahte eat máhte maidege, eatge hálddaš
maidege ja eat adnojuvvo árvvus. Menddo dávjá gáddit ahte
earát leat buorebut lihkostuvvan go mii. Lea čájehuvvon
ahte juohke okta lea muhtun láhkai duhtameahttun iežainis,
muhto ii daddjo dan birra olis mihkkige. Máidnosat čájehit
nuorra, movttegis olbmuid geain eai leat čihkalasat ja eai ge
sis leat ruhtaváttisvuođat. Ja don sávašit vuoi vare mun ge
diekkár livččen...
Millosepmosit háliidit mii oažžut fuomášumi go leat čeahpit,
čábbát, movttegat dahje roahkkadat. Muhto muhtumiid
mielas gal lea «buoremus leat vearrámus» go fuomášumi ii
oppanassii ge oaččo. Rikkeret ja buktit fuones dili olbmuide
sáhttá leat okta vuohki fuomášumi oažžut.
