47
Mo de manná Gádjáin ja Rasmusiin? Na, dan gal ii muital
romána maidege šat, go dasa dat nohká go soai álgaleaba.
Muhto girji muitala ollu ráhkisvuođa birra ja dan mo lea
leahkit nuorra.
Várra don gii logat dán, leat leamaš máŋgii ráhkistuvvan.
Dahje it goassege leat leamaš ráhkistuvvan. Várra dus lea irgi
dahje moarsi, dahje niegadit oažžut dakkáračča. Diet sáhttá
leat nu guhkkin doppe eret dus ahte don it hálit it jurddašit
ge dakkáriid birra. Ráhkisvuođa dilis lea buot «lohpi», buot
lea «normála», nu guhká go láhttet earáiguin olbmo láhkai.
Dat leat du dovddut, du eallin ja du válljemat. Ii oktage sáhte
du ovddas mearridit.
Aiddo dan sivas go ii oktage leat mearrideamen du ovddas
diekkáraš čiekŋalis ja persovnnalaš áššiin, de lea dehálaš ahte
don ieš dohkkehat iežat válljemiid. Dan ii dahkan Gáddjá go
soai Rággeniin anašeigga.
Ráhkistuvvan.
