53
Gaskamearálaš ahki vuosttaš anašeamis
1992
2002
Bártnit/gánddat 18,5
18,0
Nieiddat
17,7
16,7
Gáldu: Statistisk sentralbyrå
Christian 15 jagi
Geat galggašedje hupmat dahje hállat nuoraiguin
seksualitehta birra?
Hmm.., mun jurddašan ahte dan galggašedje skihpáraččat
ja dearvvašvuođadivššár. Váhnemiiguin hupmat dan birra?
Ii, dat lea heahpat, go singuin oaidnala ja ovttastallá juohke
beaivvi.
Man birra ságastit, muitalit?
Mo buot doaibmá, man láhkai ja nie... Manne dat lea nu
dábálaš, muhto datte nu váttis hupmat lunddolaččat dan
birra. Dávjá mii gánddat køddet ollu dan birra.
Geainna don humat rupmaša ja seksualitehta birra?
Dearvvašvuođadivššáriin, iežan fástadoaktáriin ja muhtimin
etniin.
Goas don fuomášit ahte seksualitehta gávdno?
Dan in muitte. Ledjen várra viehka unni.
Mii lea seksualitehta?
Go guovttis geat leaba liikostan, seksa bokte čájeheaba
dahje ollašuhttiba dan.
