61
letne hupman dán birra: Munno mielas gal doai fertešeidde
náitalit!»
Sihke Ánne ja Piera hirpmahuvvaba, dasgo nie gal eai leat
Ánne váhnemat hállan dahje hupman ovdal. Ánnes lea
leamaš ložžes bajásgeassin. Ovdal go son devddii 18 jagi,
beasai Piera idjadit su lanjas vahkkoloahpaid, ja sudnomielas
han gal lei dušše somá ahte soai álggiiga eloštit. «Manne vel
nu?» jearrá Ánne.
Ánne eadni bivdá sátnevuoru. Su čeabet lea ruvssodan, ja
Ánne dovdá eatnis bures ja diehtá ahte diet leat diekkár
eddonmearkkat: «Dat han lea áibbas čielggas! Náittosdilli
han addá oadjebas rámma mánnái!»
Statistihkka orru čájeheamen ahte Ánne eatnis lea riekta.
Leat eanet elošteaddji váhnemat geat earránit go náitalan
váhnemat. Muhto náittosdilli gal ii atte man ge lágan
dáhkádusa ahte Piera ja Ánne joatkiba náittoseallima. 2005:s
náitaledje 22400 bára, dan botta go 11000 bára earránedje.
Moadde vahku maŋŋá go ledje boradan mállásiid Ánne
váhnemiid geahčen, de Piera jearai Ánnes: «Náitalat go
muinna?». «De náitalan duinna!», Ánne vástidii.
Iešguđet lágan ovttaseallinvuogit
GoÁnne jaPieranáitaleaba, de čatnaba soai geatnegasvuođa
soahpamuša goabbat guoibmáseaskka. Dat sisttisdoallá
earret eará:
• Soai galgaba ovttas bajásdoallat bearraša, juogadit
olggosgoluid, mánáidbajásgeassima ja ovttas dikšut
doallodoalu. Man láhkai soai čoavdiba dan gaskaneaskka,
na dan ferteba ieža soahpat. Dasa servodat ii seagut
iežas.
• Soai ferteba čilget goabbat guoibmáseaskka ruđalaš
diliid. Jus Piera lea hommán alcces stuorra velggiid, ferte
son muitalit Ánnii dan. Jus Ánnes leat divrras opmodagat
dahje oamasta eará stuorra árvvuid, de ii sáhte son
čiehkat daid Pieras. Buot ruhtadiliid hárrái leaba soai
geatnegahtton leat rahpasat goabbat goaibmáseaskka.
