67
«Lohpidit ráhkistit guđetguimmiid...»
Vihaheapmi: borgárlaš dahje girkolaš?
Náitalit sáhttá sihke girkus ja diggegottis. Sii geat háliidit
náitalit girkus, váldet oktavuođa báhpain ja báhppakantuvr
ras devdojuvvo skovvi. Sii geat háliidit náitalit borgárlač-
čat, mannet dalle diggegoddái gos maid devdojuvvo skovvi.
Náitaleddjiin galget leat duođašteaddjit. Náitalit lea lohpi
go lea deavdán 18 jagi, muhto jus lea vuollái dan agi, dalle
fertejit sihke fylkkamánni ja váhnemat dohkkehit náitaleami.
Vihaheapmi girkus dahje osku- ja eallinoaidnosearvvis
Girkolaš vihaheamit leat ain ge buot dábálepmosat Norggas.
Registrerejuvvon oskuservviid lahtut sáhttet vihahuvvot
sin searvegottis. Girku ja oskusearvvit nannejit vihaheami
lágalaččat ja addet Ipmila buressivdnádusa.
Jagi 2005 Human-Etisk Forbund oaččui vuoigatvuođa viha
hit báraid. Dakkár vuoigatvuođa lea maiddái ožžon Sja
manistisk Forbund man Romssa fylkkamánni lea dohkke
han 2013:s. Sjamanistisk Forbund háliida fátmmastit buot
«šamanismma muođuid, muhto erenoamážit sámiid ja
norrøna árbevieruid», daddjo sin báhkkomiin.
Sjamanistisk Forbund
ovddasteaddji vihaha Nina
Susann Trønnes ja Per Helge
Skålvik.
