73
Jagi maŋŋá sáhttá bárra gáibidit earu. Soai eaba dárbbaš
leat ovttaoaivilis. Doarvái lea jus nubbi háliida earránit.
Erenoamáš sivaid geažil sáhttá earu oažžut duomu bokte,
vaikke eaba leat orron sierra. Ovdamearkka dihtii sáhttá siv
van leat veahkaválddálašvuohta dahje mánáid illásteapmi.
Bearašgáhttenkantuvra
Máŋgga náittosdilis bohciidit váttisvuođat. Muhtumat
geahččalit čoavdit váttisvuođaid dan láhkai ahte earránit.
Earát fas geahččalit čoavdit váttisvuođaid, earret eará
bea
rašgáhttenkantuvrra
vehkiid bokte. Doppe leat fágaolbmot,
sihke doaktárat, sosionomat, psykologat ja juristtat geat
sáhttet veahkehit. Máŋgii sáhttá maiddái oažžut veahki
báhpas.
Jus váhnemat háliidit, de besset maiddái mánát leat mielde
čoahkkimiin
terapeutain
gii bargá bearašgáhttenkantuvrras.
Muhtumin sáhttet maiddái mánát beassat deaivvadit fága
olbmuiguin váhnemiid haga.
Vahku dáppe vahku duoppe
Dien láhkai dovdet muhtun earrodili mánát iežaset dili.
Váhnemat sáhttet maiddái vajáldahttit ahte mánáin leat
maiddái vuoigatvuođat dalle go áššit leat vearrámus muttus.
Earráneami statistihka
1800-logu loahpas easkka almmustuvve vuosttaš earrá
neami logut Norggas. Áigodagas 1886-1890 earránedje
gaskamearálaččat 30 bára jahkásaččat. Áigodagas 1900-
1907 lassánii lohku 175:ii jahkásaččat, ja 1907:s lei lohku 602
bára.
Maŋŋá nuppi máilmmesoađi leat earráneami logut lassánan
garrasit.
