Čiekŋudeapmi
1 Jurddaš don leat fárren amas báikái ja háliidat juoidá bargat
iežat oktonasvuođain. Don ráhkadat plána, makkár lea du
plána?
2 Máinnas loahpahuvvo dávjá: «... ja soai eliiga lihkolažžan
buot sudno beivviid». Maid don oaivvildat dán cealkagii:
«eallit lihkolažžan»? Mii du mielas lea dehálaš vai bearaš
loaktá? Namat juoidá don oaivvildat lea dehálaš dahkat, ja
juoidá mii oažžu leat dagakeahttá!
3 Lea go du mielas dehálaš ahte bárra lea bajásšaddan
seamma birrasis ja ahte sudnos leat seamma beroštumit
ja ahte sudnos lea sullii seamma oahppu? Galggašedje go
nieiddat doalahit iežaset nieidagoarggu go náitalit?
4 Čilge maid mearkkašit sánit: oktasaš opmodat,
searveopmodat ja sierraopmodat.
Čále makkár sivaid geažil olbmot earránit. Digaštallet joavkkus:
– makkár sivaid geažil galggašedje náittosguoimmit garvit
earráneami. Makkár doaibmabijut sáhttet eastadit
earráneami.
– makkát sivaid geažil lea earráneapmi buoremsus čoavddus?
Vuođustehket vástádusaid!
6 Mo lea dalle go lea okto? Sáhttá go leat okto vaikke lea
olbmuid siste?
GUORAHALLAN
Heive joavkobargun. Romssa fylkkamánni lea omd.
dohkkehan «Sjamanistisk Forbund» vihahit náittosbáraid ja
gásttašit mánáid sin lihtu oskku vuođul. Lihtu báhkkomiin
čuožžu ahte háliidit fátmmastit buot «šamanismma muođuid,
erenoamážit sámiid ja norrøna árbevieruid.»Guorahallet
maid guovllu njunuš politihkkárat ja servodatberošteaddjit
oaivvildit das ahte «Sjamanistisk Forbund» lea ožžon dakkár
vuoigatvuođa. Makkár ákkaid sii geavahit? Ráhkadehket
statistihka/diagrámma das: Gallis dorjot ja gallis leat vuostá!
77
