62
• Buot maid Piera ja Ánne buktiba náittosdillái, soai ovttas
mearrideaba. Jus Ánne oamasta ovdamearkka dihtii
stuorra láigogárdima, de lea son – ja iige Piera – gii
mearrida mo láigogárdin galgá jođihuvvot. Jus Piera fas
vuoitá Lottos maŋŋá go leaba náitalan, de ruđat gullet
sutnje. Son mearrida ruđaid geavaheami. Dábálaš bálká
rehkenastojuvvo oktasaš opmodahkan.
• Pieras ja Ánnes lea oktasaš vealgi dan maŋŋá go oastiba
viesu ovttas. Dán vealggi galgaba soai ovttas hálddašit.
Sudnos lea maid oktasaš ovddasvástádus máná hárrái
man soai vuordiba.
• Jus nuppi náittosguoimmis leat stuorra opmodagat,
de lea hui buorre jus ráhkaduvvo nu daddjon náittos
soahpamuš. Ánne láigogárdima hárrái sáhttá dahkkot ná:
Dan sáhttá bisuhit dan láhkai ahte dan oamasta dušše
Ánne, ja dat lea su
sierraopmodat
. Sus ii leat dárbu Pierain
juogadit dan opmodaga jus soai earráneaba maŋŋá.
• Jus Piera jápmá, dalle árbe Ánne su dávviriid ja ruđaid –
ja nuppe gežiid.
Searválasvuohta
Gitta jagi 2009 rádjái lei dušše almmáiolmmoš/dievdo
olmmoš ja nissonolmmoš geat sáhtte náitalit Norggas.
Muhto maiddái homofiilaguoimmit háliidit oažžut geatne
gahtton oktavuođa guhtet guimmiideasetguin. Áigodagas
1993-2009 sáhtte sii dahkat
searválasvuođa
soahpamuša.
Searválasvuohta lea go homoseksuála guoimmit registre
rejit iežaset oktavuođa. Dákkáraš
registreremis
lea seam
ma juridihkalaš mearkkašupmi earret eará mánáid, árbbi,
árbevearu, vearuheami ja earráneami hárrái dego náittos
dilis ge. Eanaš lágat mat leat albmáid/dievdduid ja nisson
olbmuid várás náittosdilis, leat maiddái homoseksuálaid
várás geat ellet searválasvuođas. Sii sáhttet maiddái árbet
guoimmi jus nubbi jápmá. Lei hirbmat nággu dalle go sear
válasvuohtaláhka mearriduvvon 1993:s, ja dan leat maŋŋá
maiddái vuosttildan, erenoamážit girku beales.
Náittus lea áidna
soahti gos don oađát
vašálaččain.
Woody Allen
searválasvuohta:
partnerskap
elošteapmi:
samboerskap
Ale náital ruđaid dihtii.
Lea álkkit lonet daid.
Skohttalaš sátnevájas
