48
Ráhkisvuohta ja seksualitehta
Ráhkisvuohta guovtti olbmo gaskkas lea čilgejuvvon divt
taid, njuohtamiid ja eará dáidagiid bokte áiggiid čađa.
Eanaš pop-lávlagiin lea ráhkisvuohta fáddán, ja áviissain
ja vahkkobláđiin dát ollu gieđahallojuvvo. Muhto mii lea
ráhkisvuohta? Diehtit go mii mas dat vuolgá – ja manne dat
dávjá nohká? Mat leat diet dovddut mat leat buktán nu ollu
njuolggadusaid ja lágaid ja dábiid ja árbevieruid? Ja sáhttit
go mii sirret gaskal ráhkisvuođa ja seksualitehta?
Piera ja Ánne leaba 27 jahkásaččat ja elošteaba. Guktuin leat
barggut gos loaktiba bures. Sudnos lea buorre ekonomiija,
ja soai leaba aiddo oastán dálu. Buot lea láhččojuvvon ahte
soai sáhttiba šaddat váhnemin. Go dál ealliba ovttas, de
lea doaivva ahte Ánne sáhttá šaddat áhpeheapmen. Várra
dovdá behtton go bohtet mánodávddat.
Muhto Piera ja Ánne leigga 17 jahkásaččat go álgaleigga.
Máŋga jagi balaiga ahte Ánne galggai šaddat áhpeheapmen,
ja leigga ilus go mánodávddat bohte. Soai anašeigga danne
go sudnos lei miella ja danne go liikuiga goabbat guoi
bmáseaskka. Muhto soai
eaba
anašan danne go soai hálii
deigga máná.
Ánne lei balus dalle go eaba lean geavahan ovdaeastadeami
dahje prevenšuvnna.
Mii lea seksualitehta?
Seksualitehta sátni boahtá latiinna sánis
sexus,
mii mearkkaša
sohkabealli.
Biologiijas gohčoduvvo seksualitehta hipmun, ja luonddu
fágas leat várra oahppan ahte hormonat stivrejit min himuid.
Olbmuid seksualitehta lea várra eambbo mohkkái go elliid,
ja seksualitehta lea garrasit čadnojuvvon dovdduide ja
servodahkii gos mii eallit. Seksualitehta boahtá ovdanmáŋg
ga láhkai sihke fysalaččat ja psykalaččat.
Mii oaivvilduvvo seksualitehtain, mii lea dohkálaš ja mii lea
normála, na dan birra leat ollu oaivilat. Muhtun birrasiin
sáhttá leat heivemeahttun ja eahpemorálalaš anašit ovdal
go lea náitalan, ja eará birrasiin lea fas áibbas normála ahte
Balahahkesvuohta lea hui
dábálaš. Sámi dáiddára
John Savio sárggus «Sjalusi».
eloštit:
være samboende
elošteaddji:
samboer
