37 / 46
37
Báhkkaliikkit
Go virusat dahje baktearat dahket dávdda, de oažžu
olmmoš dávjá báhkkaliikkiid.
77
Dalle goargŋu rupmaša
temperatuvra ja olmmoš báhkkana ja lisista . Dearvvasnaga
lea min temperatuvra 36,5 ja 37,5 ceahki gaskkas. Go mis
leat báhkkaliikkit, de sáhttá rumašliekkas goargŋut gitta 41
ceahki rádjai. Báhkkaliikkiid mihtidit digitálatermomehteriin
dahje termomehteriin mii čájeha cehkiid.
79
Go olbmos leat
báhkkaliikkit, son bivastuvvá olu. Dalle dárbbaša rumaš
eambbo juhkamuša go dábálaččat. Báhkkaliikkit sáhttet
leat unohasat. Danne sáhttá váldit dálkasiid mat coahkudit
báhkkaliikkiid. Dakkár dálkasiid fidne oastit apotehkas, ja
deaŧalaš lea váldit dušše nu olu dálkasa go skáhpus lohká
mearrin. Ii leat nu ahte son, geas leat eanemus báhkkaliikkit,
lea eanemus skibas.
80
Olmmoš sáhttá iežas mielas orrut
lossadit skihpamin vaikko vel eai leat ge báhkkaliikkit, ja
sáhttá veadjit bures vaikko vel leat ge buollevaš báhkkaliikkit.
Čottabávččas
Go olbmos lea nuorvvu, sutnje boahtá dávjá maid
čottabávččas, muhto muhtimin boahtá dušše čotta
bávččas. Dalle sáhttet leat virusat dahje baktearat mat
dahket dávdda, ja dábálaččat rumaš ieš áiddastahttá
dan. Muhto muhtimin dárbbaša baktearagoddindálkasa,
juos guhká lea lissan čottabákčasiin. Dalle láve doavttir
guhkes sákkiin viežžat iskosa vai gávnnaha guđelágan
baktearat dahket dávdda, ja de oažžu buohcci dálkasiid,
juos lea dárbu.
Muhtimat gosset olu go leat nurvos. Go olmmoš
gossá, de bohtet šliivi ja luonit vuoiŋŋain. Gossan
ja gastin buhtista vuoiŋŋaid. Danne galgá vuordit
guhká ovdal go váldá dálkasiid mat váidudit gosahaga.
Eanaš gosahatdálkasat maid fidne oastit, leat divrasat
ja ábuheamet.
81
Buot buoremus lea ráhkadit iežas
gosahatsáhpi. Oaččut juhkat aivve liegga dahje galbma
muorjesáhpi dahje deaja dahje čázi. Dalle njárbu šliivi
mii lea vuoiŋŋain ja šaddá geahppaseabbon gossat
bajás, ja nuba lea uhcit gággamuš gosadettiin.
77
Báhkkaliikkit dahje báhkkadávda lea feber.
78
Lisistit lea šaddat veahá buozasin ja
veajuheapmen
79
Ceahkki lea seammá go gráda, ja dat muitala man liekkas dahje galmmas
juoga lea, nappo makkár temperatuvra lea.
80
Skibas lea buohcci.
81
Ábuheapme lea dakkár mii
ii veahket. Áhpu lea veahkki. Ábuhit leat veahkehit