32 / 46
Buozas
ja dearvvas fas
Mii eat fuopmáš nu olu
mo rupmašis manná
juohkebeaivválaččat.
Gal dat ieš iežas áittarda.
Muhto duollet dálle
rumaš veajuhuvvá,
dasgo duollet dálle
mii buohccát. Dalle
dárbbaša rumaš áiggi
áhtat
63
fas, nu mo Álet
go son oažžu nurvo
Dá lea Álet. Son lea viđa jahkásaš. Lea vuossárga, ja son lea olgun
stoahkamin nu mo láve. Lea arvi, ja go Álet boahtá sisa, lea son
njuoskan. Eahkedis Álet snuolggistišgoahtá. Son gossá ja lea illávejiid. Go
nohkkanáigi šaddá, de lea son báhkas.
Áhčči navdá ahte Álet lea buozas. Danne son mihtida temperatuvrra.
Termomehter čájeha 38,5. Álehis leat báhkkaliikkit.
64
Álehii lea njommon virus. Virus lea darvánan njunnái ja
čoddagii ja dahkan dávdda dohko. Nu go muittát,
de leat seallat varas mat fuopmášit baktearaid
ja virusiid. Dat leat iktiseallat. Dat dieđihit
eará seallaide – hoaidiseallaide
65
ahte virus
lea beassan rupmašii.
32
63
Áhtat lea buorránit dahje dearvvasmuvvat.
64
Báhkkáliikkit lea feber dahje báhkkadávda.
65
Hoaidi lea dat gii/mii hoaidá dahje atná máŧas juoidá.