35 / 46
35
Buohcceviesus iskkada doavttir Mártte. Doppe váldet
suojusgova su gieđas, ja govva čájeha ahte dákti gieđas lea
doddjon. Doavttir gipse gieđa vai dákti beassá ráfis savvot.
69
Seallat ádjánit guhká savvohit dávtti. Danne ferte gipsa
orrut gieđas njeallje vahku. Njeallje vahku lea guhkes áigi
Mártte mielas.
Márte lea nordadan oaivvi maid. Doavttir jáhkká su
ožžon vuoiŋŋašdoarggástusa dasgo lei galmmas mannan
ja iige muitte iežas leamaš ruoktot jođus. Danne ferte
Márte veallát veahá áiggi buohcceviesus ja vuoiŋŋastit
seaŋggas. Buohcceviesus lea oalle suohtas. Eatni
guovttos áhčiin oažžuba maid orrut Mártte luhtte nu
guhká go háliideaba.
Vahku geažes beassá Márte álgit skuvlii fas. Njeallje vahku
maŋŋá lihkuhisvuođa mannaba Mártte guovttos etniin
buohccevissui váldit gipssa eret. Giehta orru veaháš ártet
ja amas go lea orron nu guhká gipssa siste. Muhto fargga
lea giehta fas nu go ovdal, ja Márte lea čavddásman
70
fas.
Márte lei lihkkoš go ollásit dearvvasmuvai maŋŋá
lihkuhisvuođa. Almmái gii vujii Mártte ala lei ilus go ii mannan
vearrábut. Soai leaba goappašagat smiehttan man váralaš
sáhttá leat johtalusas
69
Savvot lea go hávvi dahje dákti buorrána.
70
Šaddat seammá ollis ja dearvvas go ovdal lea leamaš.