39 / 46
39
Mánádávddat
Rukses dielkkut dahje unna goavhllážat mat ihtet liikái, gohčoduvvojit
ihttomin.
91
Muhtin dávddat maid mánát ožžot, dahket báhkkaliikkiid
ja ihttomiid. Daid lohket mánádávdan, ja dat njommot álkit ja
bohtet dušše oktii. Masá buot mánádávddat buorránit iešalddes.
Mánádávddat dovdojit álggus dego livččii nuorvvu boahtán. Olmmoš
oažžu báhkkaliikkiid, ja de ihtto veahá áiggi geažes. Bárkodávda,
92
ruksesboahkut,
93
golmmabeaifeber ja čáhceboahkut
94
leat virusdávddat
ja buorránit ieža. Ruksesfeber
95
lea hárvenaš dávda mii sulastahttá
eará dávddaid main leat ihttomat ja báhkkaliikkit, muhto dat boahtá
baktearain, ja dalle dárbbaša olmmoš baktearagoddi dálkasa. Leat eará
dávddat ge mat sulastahttet mánádávddaid. Juos it dieđe makkár dávda
dutnje lea njommon, soaitá doavttir diehtit du veahkehit. Daskovihki
96
lea dakkár mánádávda mii bohtteha čolgarávssáid. Čolgarávssát leat
nieraid siste ja olloliid vuolde ja dahket čolgga njálbmái. Dat bohtanit
nuppi bealde dahje guktuid bealde. Daskovihki lea virusdávda mii
buorrána iešalddes.
Obbondávda
Mii dadjat ahte lea obbon go duotka bahkašuvvá
ja garrá gassačoallái ja iige šat beasa guhkkelii.
Dábálaččat luovvana iešalddes, muhto sáhttá
leat bávččas juos bistá guhká. Galgá borrat
biepmu mas leat fiiberat
97
vai čoliin lea juoga
maiguin hoiget duotkka čoalleráigge. Ja de galgá
guhká čohkohallat ja cáhkkat hivssegis go dovdá
ahte baika livččii boahtimin olggos
Spiiden cissa- dahje
guččadettiin
Juos cissaha dávjá dušše unna riškkanasaid ja spiide
juohke háve go cissá dahje gužžá, sáhttet baktearat
beassan gužžaoarrái. Dat lea bávččas. Dalle lea
deaŧalaš ahte oažžu divššu doaktáris. Ferte váldit
mielde gužžaiskosa man doavttir guorahallá.
91
Ihttomat leat čuoggát, goavhllit, iđáhat dahje ruošmmit liikkis.
92
Bárkodávda lea mešliŋŋat.
93
Ruksesboahkut,
dahje rivihisboahkut, leat rukses dilkkožat maid dárogillii lohket røde hunder (rukses beatnagat).
94
Čáhceboahkut
leat goavhllit liikkis.
95
Ruksesfeber dahje ruksesbáhkkaliikkit lea dadjet maid skarlagenfeberin.
96
Daskovihki lea
kusma.
97
Fiiberat lea sáigarat dahje sárrasat biepmus