40 / 46
40
Spárttut
Spárttut leat dego smávva náppážat liikkis. Dat šaddet gieđaide
ja julggiide. Dat jávket ieža muhtin áigge geažes, muhto sáhttá
šaddat guhkki vuordit. Juos spárttut leat ovddas dahje rašit, de
sáhttá geahččalit vuoidat dálkasiin man apotehkas oastá. Juos ii
ábut, de sáhttá mannat doaktárii ábu dihtii.
Eamidielkkut
Buot olbmuin leat eamidielkkut.
98
Dat leat dielkkut mat leat
ruškadeappot go liiki muđui. Muhtin olbmuin leat eambbo
dielkkut go earáin. Juos okta dielku stuorru dahje rievdá ja
ropmu, de sáhttá dielkkus leat dávda. Dalle lea buoremus
mannat doaktárii váldit dan eret.
Durvát ja dihkit
Durvát
99
ja dihkit leat binná bánna
divrrážat mat borret liikki. Dat sakŋidit.
Juos don cokkat earáid biktasiid, dahje
veallát ovtta seaŋggas suinna geas leat
durvát ja dihkit, de sáhttet muhtin divrrit
beahkilit du ala. Leat fidnemis dálkasat
maiguin sáhttá vuoidat liikki nu ahte
durvát ja dihkit jápmet. Daid fidne oastit
apotehkas, ja buohkat bearašgottis
masa leat njommon durvát dahje dihkit,
galget dainna dálkasiin vuoidat. Dalle
sáhttá beassat dain.
Ruvssodan čalmmit
Čalmmit leat hearkkit baktearaide. Juos baktearat čoahkkanit
čalbmái, de ruvssoda, ruččaga ja várkagoahtá čalbmegeahči.
Dalle sáhttá doidit čalmmi čáziin ja bassat čalmmi birra veaháš
sáibbočáziin. Dalle dábálaččat buorrána iešalddes. Juos dat ii
ábut, sáhttá doaktáris oažžut čalbmegoaikkanasaid mat goddet
baktearaid. Juos čalmmit leat ruoksadat ja bohttasat ja ganjaldit, de
sáhttá dat boahtit das go lea allergiija juogamasa.
98
Eamidielkkut leat riegádanmearkkat.
99
Durvát leat saŋášdávda, skábba