41 / 46
41
Allergiija
Olu mánáin lea allergiija juogamasa. Allergiija máksá ahte lea juoga man rumaš ii gierdda nu bures.
Allergiija sáhttá leat lossat dahje geahpas, ja máŋgasis geahppu allergiija dađistaga go šaddet. Allergiija
albmana
100
go rumaš guoská juosat maid ii gierdda, ja dalle váidalit liiki dahje čalmmit dahje vuoiŋŋat dahje
biebmosuddadanoalli ahte juoga lea boastut.
Allergiija liikkis sakŋida čađat. Sáhttet šaddat skoavhllit mat bohtanit ja ruvssodit ja sakŋidit. Muhtimat
gohčodit dan rušmmasin.
101
Dat váidot muhtin áiggi geažes, muhto sáhttet leat dan muttos unohasat ahte
berre oažžut dálkasa dan vuostá. Muhtimiid liikái ihtet fas rukses dielkkut mat sakŋidit ja laigasit ja šaddet
ruohkahahkan.
102
Dat gohčoduvvojit ekseman.
103
Sii geain lea eksema, fertejit dikšut liikkiset juohke beaivvi,
vuoidat liikki vai bissu linisin ja atnit dálkkasvuoidasiid duollet dálle.
Allergiija vuoiŋŋain dovdo njunis. Olmmoš dovdá ahte njunni golgagoahtá, sakŋida ja gasttihišgoahtá. Sáhttá
dadjat dan suoidnenuorvvun. Čalmmit soitet maid bohtanit, ja gatnjalat golgagohtet. Dat maid áđasmuvvá
muhtin áiggi geažes, muhto dáidá leat vuogas dálkasiin dikšut.
Muhtimat dovdet allergiija go gossagohtet ja čotta sakŋida. Muhtimiin fas giegir bohtana ja basku, ja de šaddá
lossat vuoigŋat. Áddemis lea ahte olmmoš sáhttá suorganit go dovdá ahte ii sáhte vuoigŋat albma láhkai. Dalle
sáhtát veahkehit su gii lea balus vai vuoigŋá lotkadit
104
ja vái lea geahppaset vuoigŋat. Juos dohppehallá lossa
vuoigŋamii, de gohčoduvvo dávda ástmán.
Allergiija biebmosuddadanoalis sáhttá fuopmášit go baksamat ja njálbmi bohtanit ja sakŋidit. Muhtimiidda
šaddet skoavhllit liikái mat sakŋidit, ja muhtimiid gákkaha váimmu ja vuovssiha ja lužuha. Muhtimiidda šaddá
lossat vuoigŋat juos leat borran borramuša maid eai gierdda.
Buohkat geain lea allergiija juogamasa, ja sii leat ollugat, berrejit garvit daid ávdnasiid maid eai gierdda. Dainna
mii sáhttit veahkehit guđet guimmiideamet. Sáhttá leat heasta
105
dahje gussa dahje bussá dahje beana dahje
suoinnit dahje rásit dahje niehtit dahje eanamuorjjit dahje guolli dahje manit dahje vaikko mii. Muhtimiidda
šaddá garraset allergiija go leat balus dahje ballet juostá. Dan sáhttá dikšut vai dilli šaddá áđabun.
100
Albmanit lea ihtit dahje boahtit ovdan.
101
Rušmasat leat elveblest dárogillii.
102
Ruohkahat lea hávvi mii boahtá ruohkkamis.
103
Eksema lea maiddái iđáhat sámegillii.
104
Lotkat lea gulul dahje ráfalaččat.
105
Heasta lea sámegillii maiddái heabuš.