43 / 46
43
Doaktára luhtte
Go olmmoš buohccá ja iige dieđe leago váralaš dávda, dahje juos navdá iežas dárbbašit dálkasiid dahje juos
lea hui balus, de sáhttá čuojahit doaktárii. Doavttir lea almmái/dievdu dahje nisu gii diehtá olu rupmašis ja mo
sáhttá oažžut veahki bissut dearvvasin. Doavttir diehtá bures mo dikšut iešguđetlágan rumašgivssiid, muhto
dávddaid sáhttá máŋgga láhkai dikšut. Soaittát gullan kiropraktora dahje fysioterapiija dahje akupunktura
birra? Buorre lihkus leat ollugat geat barget olbmuid dearvvasmahttimiin. Vaikko vel doavttir ii buot áiggiid
sáhte dalán dearvvasmahttit du, de sáhttá goit addit dálkasiid ja neavvagiid mo don ieš sáhtát veahkehit iežat
dearvvasmuvvat. Doavttir jearaha dus olu go áigu gávnnahit mii dus lea. Maŋŋil iskkada du. Maid son jearrá ja
mo son iskkada du, lea ollásit dan duohken man sujas
108
don bohtet doaktárii. Muhtin iskosiid dahká doavttir
masá álo: Son guldala rupmaša guldalanapparáhtain mainna bures gullá vuoigŋama ja váimmu laggama
109
ja čoavjji bunjaideami.
110
Sáhttá maid bealljegiikkáriin guovlat beljiide ja guovlat bealljecuocca. Dalle soaitá
bosádastit áimmu bealljeráigge sisa vái oaidná mo bealljecuozza sparaida.
111
Dat čagalduhttá. Go čoddagii
guovlá, de atná livtta ja spahtela. Spahtel lea dego stuorra lákcajiekŋasággi mainna doavttir deaddá njuokčama
go guovlá čoddagii. Dalle sáhttá oaidnit gitta njillui. Muhtin mánáid mielas dat lea unohas, muhto ii leat bávččas.
Go áigu doaktárii, de galgá dávjá váldit mielde gužžaiskosa doaktárii. Dalle geavaha áibbas buhtes lása. De bassá
cissanávlli dahje cissaráiggi birra ja cissá lása sisa. Sáhttá leat veaháš váttis. Juos doavttir ii sáhte geahčadit cissa
dakkaviđe, de ferte dat orrut čoaskaskáhpes dan botta. Hárvenaš ferte olmmoš váldit varraiskosa. Dalle lávejit
čuggestit náluin suorbmageahčái ja váldit muhtin varragoaikkanasa bohcáža sisa, dahje njoarahit muhtin meari
vara varrasuonas gieđas unna lásaža sisa. Dat bávččaga dan dagadettiin, muhto heaitá johtilit bávččasteames.
Juos áigot iskat vel eambbo, de dieđihit ovddalgihtii maid áigot. Danne ii gánnit ballat, ovdal go diehtá leago
ballanveara.
Dábálaččamus dávddat leat dábálaččamusat. Muhto leat dieđusge dávddat mat leat hárvásat, ja muhtimat dain
leat sihke hirbmat hárvásat ja viehka váralaččat. Dakkár dávddaid eai gallis oaččo.
Buorre lihkus leat eatnašat dearvasat eanaš áigge, muhto muhtimin mii buohccát, ja mii dearvvasmuvvat fas.
Dainna mii gal oažžut illudit.
108
Sudja lea sivva dahje árta.
109
Laggat lea go váibmu coahkká.
110
Bunjaidit lea go čoavjjis ja čoliin gullojit jienat.
111
Sparaidit lea lihkadit