45 / 46
45
Muhtin olbmuid dovdat bures. Nuppiin diehtit dušše
nama. Máŋgasa leat dušše oainnestan, muhto eanaš
olbmuin máilmmis eat oppa dieđege. Muhtimiidda
geaid dovdat, mii liikot bures. Muhtimiidda fas eat
liiko nu bures, muhto sis geaid eat leat vel oaidnán,
eat dieđe maidege. Eatnašat sis leat sihkkarit buorit
olbmot – nu mo miige.
Mii buohkat ballat veaháš sis geaid eat dovdda, ja dat
ii leat imaš, go miihan eat dieđe mo sii leat. Muhto leat
álo muhtimat geaidda mii sáhttit liikot – muhtimat geat
sáhttet leat min skihpárat dahje olbmát.
Lea oadjebas gáimmadit singuin geaid mii dovdat
ja geaidda mii leat gierrásat.
112
Lea buorre go leat
eambbosat ovttas, ja sáhttá leat jeđđehussan go
olmmoš ieš lea okta máŋgasa searvvis. Jurddaš man
sulolaš lea go muhtin lea dutnje buorre go dus lea váivi,
ja man buorre lea go olbmos lea bearaš ja skihpárat.
Muhto mađe eambbosat mii leat, dađe váddáset
lea boahtit ovttaide. Eat mii sáhte álo oažžut miela
mielde, muhto fertet vuhtii váldit sin geat leat min
birra. Go juohkehaččas lea iešguđege oaivil, de lea
bahá nákkáskit. Dalle lea deaŧalaš ságastallat guđet
guimmiiguin ja gávnnahit mo mii háliidit ovttastallat.
Buohkat galget leat mielde mearrideamen veaháš vai
ahte buohkat šaddet duhtavažžan loahpas.
Mii leat buohkat oassi juogamas mii lea hirpmus
stuoris. Amma muittát ahte sealla lea oassi rupmašis.
Nu leat donge oassi iežat bearrašis ja sogas – mii fas lea
oassi buohkain geat ásset Sámis – mii Sámis leat oassi
olles máilmmi olbmuin – olbmot leat oassi luonddus,
ja eatnanspábba gos mii orrut, lea oassi gomuvuođas.
Makkár oavdu.
112
Gieris lea ráhkis dahje buorre.