30 / 46
30
Ovdáneapmi
Dan rájis go mii riegádit ja dassážii go boarásmuvvat, dáhpáhuvvá olu min
rupmašiin ja jurdagiiguin. Go mii leat viđa jahkásaččat, de leat earáláganat
go dalle go leat nuorat dahje rávvásat dahje boarrásat. Don dovddat ieš
ahte earáhuvat – rumaš ovdána. Muhto don leat fal don álelassii.
Go ledjet unni, de it máhttán olus maidege. Don fertejit oahpahallat vázzit ja hállat dahje
hupmat, ja dárbbašit hui olu veahki. Dađistaga ohppet bargat eambbo ja eambbo ieš.
Jurddaš man olu don dál máhtát.
Mánát stohket olu ja ohppet ođđa áššiid stoagadettiineaset. Go olmmoš oahppá juoidá, de
jurddašišgoahtá ođđa áššiid. Dáid jurdagiid sáhttit atnit maŋŋá. Buot maid oahppat, mii vurket. Dan
maid muitit, sáhttit fas viežžat vuorkkás ja atnit nuppe vuoro. Dađistaga ahtanuššá vuorká eambbo ja eambbo.
Buot olbmot leat iešguđetláganat, ja mii sáhttit oahppat juoidá buohkain geaiguin mii gávnnadit ja gáimmadit.
57
Mii
sáhttit háleštit ja lonohallat jurdagiid guđet guimmiideametguin.
Rumaš šaddá, ja don fuopmášat ahte biktasat leat unnon. Du mielas orrugohtet boares stohkosat suivadat
58
ja dus
šaddá miella ođđa áššiid bargat. Dađistaga máhtát gárvodit ieš ja čorget iežat lanja ja johtit bussiin iehčanassii. Áigi
manná.
Oppa áigge mii šaddat boarráseabbon. Rupmašis oidno man boaris olmmoš lea. Neahku
59
ja jietna ja lihkastagat
earáhuvvet dađis go áigi manná. Visot maid mii oaidnit ja gullat, ja maid mii jurddašat ja dovdat, dahket ahte mii
ovdánit ja earáhuvvat. Mii beroštit iešguđetlágan áššiin ja ságastit iešguđetlágan áššiin dađistaga go stuorrut.
Earenoamáš olu dáhpáhuvvá rupmašiin 10 ja 18 jagi gaskkas. Dan agis rumaš ráhkkana
rávásmuvvat. Dat oidno olggul ja dovdo siskkil. Olmmoš liikosta álkit ja beroštišgoahtá iežas
rupmašis. Dát áigi gohčoduvvo rávásmanahkin.
60
Nieiddat rivdet sin láhkái ja gánddat sin
láhkái, muhto buohkat dovdet ahte juoga ođđa ja imaš lea dáhpáhuvvamin.
Gánddain jietna roakkasma
61
veaháš. Sidjiide šaddagohtet sepmonat, ja guolggat
gieđavuliide ja siehpat vuolledábiid birra. Cihppa ahtanuššá ja stuorru, ja rumaš
ráhkadišgoahtá siepmanseallaid.
Nieiddain šaddet guolggat gieđavuliide ja siehpat vuolledábiid birra.
Čiččit sturrot, ja rupmaša siste láddet unna manneseallažat.
Juohke mánus luovvana okta láddan mannesealla mii
sáhttá šaddat mánnán juos dat deaivida siepmanseallain.
Seammás ráhkada goaŧŧu olu ođđa seallaid ja ráhkkana
dustet dan mii sáhttá šaddat mánnán.
57
Gáimmadit lea ovttastallat.
58
Suivat lea ahkit dahje dolkadahtti.
59
Neahku lea makkárin olmmoš lea oaidnit
60
Rávásmanahki lea olbmoláddanáigi dahje pubertehta.
61
Roakkasmit lea go jietna šaddá roaggaseabbun, roavváseabbun, roattusin.