26 / 46
26
Váibmu ja varra
Váimmu ja vara birra it soaitte smiehttan nu olu.
Váibmu lea masá guovdu ratti, muhto veaháš eambbo
gurutbeallái. Dat laggá
38
ja bumpe vara oppa áigge,
vaikko vel it fuopmáš dan. Buoremusat dan fuopmášat
go johtilit coahkká.
Váibmu laggá ieš almmá min barggatkeahttá. Dat bumpe vara miehtá rupmaša,
dárbahassii
39
johtilit. Go mii rahčat dahje viehkat dahje ballat, de coahkká váibmu
johtileappot ja bumpe vara johtileappot birra. Don it fuopmáš ahte váibmu laggá
juos it iskka dahje guldal, nu jaskadit bargá. Doavttir sáhttá guldalit du váimmu
guldalanapparáhtain – stetoskohpain – ja sáhttá gullat mo váibmu čavgá ja
loažžá, ođđa ođđasis. Váimmus johtá varra varrasuonaide miehtá rupmaša.
Olu olbmuin sáhttá muhtin varrasuonaid oaidnit liikkis, nugo giehtasealggis.
Varrasuonat leat dego bohcit maid čađa varra johtá buot seallaide. Dearvvas
áibmu ja borramuša bibmosat maid johtet vara mielde dohko gosa galget.
Dan maid seallat eai dárbbaš, váldá varra mielddis ja doalvu manimuččaide
vái mii sáhttit gužžat eret dan maid rumaš ii áiggo vurket doaisttážii.
40
Áibmu
maid mii eat dárbbaš, manná ruovttoluotta geahppáide ja mii vuoigŋat dan
olggos fas. Don oainnát ahte varraseallain lea olu bargamuš.
Varas lea čohkkes,
41
rukses ivdni. Ruksesivdni lea rukses varraseallaid
siste. Dat giktet
42
áimmu miehtá rupmaša. Eará varraseallat, main ii leat
ruksesivdni, dahket olu eará bargguid. Muhtimat goddet baktearaid,
muhtimat ohcet váralaš ávdnasiid ja earát barget olu eará ávkkálaš bargguid.
Buot varraseallat govddodit varragolgosis.
43
Das leat ávdnasat mat leat
boahtán biepmus maid mii leat borran, proteiinnat ja karbohydráhtat ja buoidi
ja čáhci. Varragolgosis leat maiddái dieđut ja suollemasvuođat ja olu oavddut.
44
Jođedettiinis miehtá rupmaša fitná varra geahppáin viežžamin dearvvas áimmu,
maid buot seallat dárbbašit. Geahpesseallat váldet dan áimmu maid mii vuoigŋat
sisa, ja háhket
45
dearvvas áimmu varrii. Áibmu boahtá varrii veahá veahážiid mielde.
Rukses varraseallat váldet áimmu mielddiset. Áibmu mii lea adnojuvvon, manná vara
mielde geahppáide, ja mii vuoigŋat dan olggos fas.
38
Go váibmu ja varrasoatna coahkká.
39
Nu olu go dárbbašuvvo, dárbbu mielde.
40
Maŋŋelii.
41
Čoahkkat lea go ivdni lea seavdnjat.
42
Giktit lea fievrridit, gikta lea fievrrádus.
43
Golggus lea varas dat mii lea dego máihli dahje sáhppi.
44
Oavdu lea stuorra imaš.
45
Háhkat lea doalvut dahje leveret.