22 / 46
22
Dákteriggi ja deahkit
22
Dákteriggi ja deahkit váldet eanemus saji rupmašis. Dákteriggi lea
muhtinlágan stellet mas rumaš sorjá.
23
Dát stellet lea ráhkaduvvon
dávttiin, mat leat gággadat
24
ja garrasat. Dávttit ráhkaduvvet
gálkkas, man mii oažžut rupmašii go juhkat mielkki ja borrat
vuosttá.
Dákteriggi ii oidno olggul, muhto suojus
25
apparáhtain sáhttá oaidnit
rupmaša čađa. Dalle oažžut suojusgova dákterikkis. Muhtin sajiin
sáhttit dovdat dávttiid, nu go čippiin ja ámadajus. Muhtin dávttit
leat stuorrát, nu go čoarbealis, ja muhtin dávttit leat unnit, nugo
suorpmain.
Dákteriggi šaddá oktilaččat go rumaš muđuige šaddá. Muhtimat
ožžot alla dákterikki ja muhtimat ožžot veaháš vuollegeabbu
dákterikki. Šaddat go mii stuorisin vai unnin, čuovvu soga, aiddo fal
nu mo čalbmeivdni ja eará oasit rupmašis.
Juos olmmoš doadjá juolggi dahje gieđa, de manná dákti gaskat.
Suojusgovas sáhttá oaidnit leago dákti doddjon, ja de bidjat gipssa
juos lea dárbu. Gipssa siste bissu dákti áibbas starggasin, ja beassá
de savvot ráfis. Dákteseallat ráhkadit dávtti nu ahte šaddá nanus ja
garas fas.
22
Deahkki ja deahkit leat maiddái sámegillii čagar ja čahkarat. Máná rupmaša ráhkadusa birra dadje boares olbmot čagar,
ja olbmuid dehkiid lohke maiddái čagarin. Čagarduvvat máksá deahkkut dahje ahte deahkit (muskelat) sturrot.
23
Heaŋgá.
24
Stiivásat.
25
Røntgen.