23 / 46
23
Dávttit leat gággadat, ja sáhttet dušše lihkadit lađđasiid
bokte. Muhto dákteriggi livččii goitge orron áibbas jaska
juos mis eai livčče deahkit ja čahkarat. Go deahkit ja
čahkarat lihkahit lađđasiid mat leat dávttiid gaskkas, de
mii lihkadit.
Mis leat deahkit mat stivrejit buot lađđasiid rupmašis
– čielggis, niskkis, gieđain, julggiin, čoarbeliin ja vel
suorbmagežiin ge. Juolgedeahkit
sojahit čibbelađđasa nu ahte mii sáhttit
čegŋet. Čielgedeahkit sojahit čielge
lađđasiid nu ahte mii sáhttit gopmirdit
ja geahččat eatnamii, ja giehtadeahkit
sojahit suorbmalađđasiid nu ahte mii
sáhttit liđiid čoaggit.
Raddevuovdda siste ja čoavjjis leat
mis deahkit mat iešalddes barget. Dat
cáhket borramuša čoliid čađa čoavjái ja bumpejit vara
váimmu čađa ja gesset
áimmu geahppáide
almmá min jurdilkeahttá.
Muhtin deahkit sáhttet
lihkastahttit njálmmi, ja
muhtin deahkit fas sáhttet
geasašit jietnabaksamiid.
Dalle sáhttit hállat dahje
lávlut dahje boagustit.
Go mii lihkadit, de atnet
deahkkeseallat áimmu ja
biepmu.
Juos mii atnit dehkiid olu, de dárbbašit mii olu
áimmu ja borramuša. Dan don fuobmát go
viegadat ja stoagat. Dalle vuoiŋŋat johtileappot
ja borranmiella lassána. Dáinna lágiin muitala
rumaš goas dárbbaša eambbo áimmu ja biepmu.
Muhtin olbmuin leat unna deahkážat ja muhtin
olbmuin leat stuorát deahkit. Dávjá leat gánddain
stuorát deahkit go nieiddain, muhto eai gánddat
leat álo gievrrat go nieiddat. Dehkiid ferte geava
hit olu vai dollet rupmaša doaimmas. Juos mii
dehkiid unnán atnit, de váibá ja njuolvu rumaš
johtileappot. Mii atnit olu dehkiid go váccašit,
stoahkat, dánsut, ja lášmmohallat. Go mii dan
dávjá dahkat, de givrot deahkit ja rumaš čagar
duvvá. Ja olles rupmašii šaddá buorre dovdu.
Olu rávisolbmot čohkkájit jaska kantuvrrain
ja biillain ja TV dahje dihtora ovddas almmá
geavatkeahttá buot dehkiideaset. Sii galggašedje
lihkadit eambbo, nugo mánát dahket go duhko
raddet. Lihkademiin olmmoš movttáska.
Doddjon