19 / 46
19
Bealjit leat ráhkaduvvon nu ahte čohkkejit jiena bures, earenoamážit dan jiena
mii boahtá ovddal ja gilggal.
16
Mii jorgalit oaivvi jiena vuostá vái mii buorebut
gullat dan. Jietna manná bealljeráigái ja bealljebohci ráigge sisa.
Bealljebohci siskkimusas lea bealljecuozza. Jietna dahká ahte bealljecuozza
sparaida. Bealljecuocca duohken
leat muhtin dávttážat mat
maiddái sparaidišgohtet, nu mo
bealljecuozza. Unna lanjaža gos
bealljedávttážat leat, gohčodit
gaskabealljin.
Bealji duohken lea vel nubbi cuozza
mii maiddái sparaidišgoahtá go
jietna olle dohko. Dat doalvu jiena
vel siskeliidda gullanseallaide.
Gullanseallat áddejit dahje
ipmirdit makkár jietna dat lea,
dasgo buot jienat sparaidit veaháš iešguđege láhkái. Dát seallat dieđihit fas
vuoigŋašiidda, mat gávnnahit mii dat lea maid mii gullat.
Mis leat guokte bealji mat leat goabbat bealde oaivvi, ja danne mii gullat
seammá jiena guktuid bealde. Dainna lágiin sáhttit álkibut gávnnahit gos
jietna boahtá.
Bealjit eai leat ovttaláganat. Muhtimiin leat unna bealjážat, ja
muhtimiin fas stuorra bealjit. Muhtin bealjit leat lávgadat
17
ja
muhtin bealjit leat skihččasat
18
Makkár nehkui bealjit leat,
čuovvu soga, nu go liikeivdni
ja čalbmeivdni ge.
Bealljebohciid seinniin
boahtá gáhčči, mii lea
sierralágan bivastat
mii čohkke luniid ja
baktearaid. Gáhčči
buhtista beljiid dan
láhkai ahte dat čohkke
ruskkaid ja baktearaid
olggos jođedettiin. Gáhčči
boahtá ieš olggos.
Juos mii čuoggut juogamainna bealljeráiggi, de notkat gáhči siskelebbui ja dainna sáhttit skáidnet rašis
biergasiid bealji siste.
Muhtin olbmot gullet hejodit ja fertejit atnit gullanapparáhta. Apparáhta bajida jiena vai šaddá
geahppaseabbun gullat. Buohkaide geat gullet funet, galgá hállat liigečielgasit.
Muhtimat eai gula oppanassiige. Sii leat bealjeheamet. Dalle lea deaŧalaš ahte sii oidnet su njálmmi geainna
háleštit vai besset «lohkat njálmmis» ja dego árvidit makkár sániid sii dadjet.
Maiddái min geat gullat bures, sáhttá leat bodnjái áddet mii dahká dihto jiena juos eat oainne gos dat
boahtá. Don dáiddát ipmirdit dál ahte mii dárbbašit sihke čalmmiid ja beljiid áicat ja áddet dan mii min birra
dáhpáhuvvá.
Čoddagii
16
Siiddus
17
Deahttásat
18
Geaigájit