RUMAŠ

16 / 46

16
Oaidnu
Seavdnjadasas eat oainne maidege. Go lea binnáš čuovga, de oaidnit veaháš, muhto dalle
eat čuovggat11 ivnniid. Buot maid oaidnit leat rátnásat dahje čáhppadat, ja mii fertet árvidit
mat dat leat. Go lea muttágis čuovgat, de oaidnit sihke ivnniid ja dávviriid. Juos lea menddo
čuovgat, mii dárbbašit beaivvášlásaid suddjet čalmmiid šerres čuovgga vuostá.
Čalbmi lea dipma gáhkká12 mii lea čalbmeluoma duohken. Čalbmeluomas leat čalbmeguolggat mat
suddjejit čalmmi amaset luonit beassat čalbmái. Mii ravkit čalmmiin juos juoga boahtá menddo lahka
čalmmi. Gulbmeguolggat suddjejit čalmmiid nu ahte čáhci ja bivastagat golget goaiddá13 čalmmiid meattá.
Go mii ravkit, de bassá čalbmeluopma čalmmi gatnjaliiguin vai čalbmi bissu buhtisin. Gatnjaliin leat
ávdnasat mat goddet baktearaid. Čalmmis doidásit luonit ja gatnjalat oaráža ráigge čalbmegeažis
čottaráigge.
Guovdu čalmmi lea unna čáhppes ráiggáš maid mii gohčodit gollážin. Dat fuolaha ahte boahtá doarvái
čuovga čalbmái. Go lea unnán čuovga, de lea golláš stuoris ja luoitá olu čuovgga čalbmái. Go čuovga lea
skuotnjat14, de stuorru golláš ja luoitá sisa olu čuovgga. Go lea šerres čuovga, de unnu golláš ja luoitá sisa
unnán čuovgga. Juos čuovggat lubmalámppáin čalbmái, de basku ráigi – golláš geassá čoahkkái.
11 Čuovggahit lea go oaidná earuhit ivnniid ja dávviriid.
12 Čalbmejorbadas, čalbmegáhkká.
13 Olggobeale, birra.
14 Skuotnjat lea dakkár mii čuovgá heittogit dahje uhccán.