RUMAŠ

13 / 46

13
Mánná šaddá ja sogastahttá eambbo ja
eambbo iežas. Go leat njeallje mánu
gollan, de lea eatni čoavji sturron nu
olu ahte sáhttit oaidnit ahte son lea
máná vuostá. Álggus sáhttá eadni
dovdat ahte mánná lihkada, ja
maŋŋelaš sáhttet olbmot oaidnit
ahte čoavji lihkada go mánná
čievččada doppe siste. Sáhttá bealji
bidjat čoavjji vuostá ja gullat go máná
váibmu laggá.
Dábálaččat vásset ovcci mánu ovdal go
mánná lea gárvvis riegádit, ja dan botta
fertejit buohkat vuordit. Eadni váibá guoddit máná,
gii stuorru ja stuorru, ja danne son dárbbaša olu
veahki ja vuoiŋŋasteami.
Go riegádeapmi lahkanišgoahtá, de čeassá mánná
vulosguvlui dohko gokko galgá boahtit olggos. Dál
lea eatnis hirbmat stuorra čoavji, ja buohkat illudit
dassážii go mánná galgá boahtit ja jurddašallet
gii mánná lea.
Muhtin beaivvi dovdá
eadni ahte mánná
boahtá. Dalle lea
mánná birrasii
mehterbeali guhkki
ja deaddá birrasii
3-4 kilo. Eadnái
lea rahčamuš ja
bávččas go mánná
galgá olggos dan
ráiggis mii lea cissaráiggi maŋábealde.
Eanaš mánát bohtet oivviin ovddimus
olggos. Go olles mánná lea olgun, de
čuohpastuvvo náhpečoalli gaskat,
muhto dan ii dovdda mánná. Maŋŋá
lea dušše unna náhpáš dakko gokko
náhpečoalli lei gitta.
Eai buot mánát riegát dáinna lágiin.
Muhtin mánát riegádit ovdal go leat
gárvvisin šaddan ja muhtimat fas maŋŋil. Muhtin mánáid
opererejit olggos. Dalle čuhppet ráiggi eatni čoavjái ja
loktejit máná olggos, ja dat orru leamen vuogas vuohki
boahtit olggos. Mánát geat riegádit ilá árrat, eai leat
ollásit láddasat. Sii fertejit veallát lálláhagas9 ja oažžut
veahki eallit dassážii go ieža birgejit.
Riegádeamit leat lossadat ja gelddolaččat. Go mánná
riegáda, son oaidná eatnis ja áhčis vuosttas geardde.
Makkár oavdudahku. Buot eatnit ja áhčit šaddet
sakkarat ilus ja rámis go ožžot máná – illoseappot ja
rápmáseappot go goassege ovdal.
9Lálláhat lea kuvøsa, man siste beare árrat riegádan mánát šaddet veallát
muhtin áiggi.