9 / 46
Binna bánna seallat barget
ovttas ja ráhkadit min
rupmaša ja bisuhit min heakkas.
Seallat barget iešguđetlágan bargguid ja leat oaidnit
iešguđetláganin. Eatnat seallain mat leat varas, lea
rukses ivdneávnnas. Dan leat sihkkarit oaidnán go
varddát. Dáid rukses seallaid mii sáhttit gohčodit
guorbmebiilaseallan. Dat dolvot áimmu
eará seallaide.
Seallaid mat čorgejit ja borret baktearaid ja ruskkaid, mii
gohčodit hoaidiseallan
3
. Dat gávdnojit iešguđege sajis
rupmašis. Dat váruhit ahte mii eat galgga buohccát.
Deahkkeseallat leat dat binná bánna seallažat
maiguin min deahkit leat ráhkaduvvon. Daid
mii sáhttit gohčodit bargoseallan. Dat sáhttet
čavgat ja geassit čoahkkái vai mii sáhttit
lihkadit.
Nearvaseallaid mii sáhttit gohčodit
gulahallanseallan. Dat dolvot sáni
nuppi rumašoasis nuppi rumašoassái.
Nearvaseallat leat nearvvain ja leat juohke
sajis min siste.
Dákteseallaid mii sáhttit gohčodit muvrageađge
seallan. Dat cagget eará seallaid amas rumaš gahč
čat čoahkkái. Dákteseallat leat dákterikkis, mii lea
rupmaša stellet.
4
Dát leat muhtin seallašlájat mat mis leat rupmašis,
muhto leat vel ain vaikko man eatnat iešguđet
lágan šlájat. Buot seallat barget iešguđetlágan
bargguid, ja mii dárbbašit juohke ovtta sis. Muhto
manne dat barget iešguđetlágan bargguid ja
manne dat leat oaidnit nu go leat, ja manne rumaš
lea šaddan nu mo lea, dat lea oavdudahku man ii
oktage riekta dieđe vástidit.
3
Hoaidi lea bearraigeahčči ja čorgejeaddji.
4
Stellet lea statiiva dahje áhta man ala bardá, bidjá dahje heaŋgu juoidá.
Eará seallat fas leat dego min rupmaša iktit.
1
Sii ohcet
ja áicet
2
dakkáriid maid hoaidiseallat eai oainne.
Iktiseallat áicájit virusiid ja baktearaid, ja dat lea
mávssolaš, go sihke virusiin ja váralaš baktearain mii
sáhttit buohccát.
1
Ikti lea dakkár mii fuopmáša dahje áicá ja almmustahttá.
2
Áicat lea fuobmát dahje oaidnit.