RUMAŠ

Masá juohke sajis liikkis leat guolggat.

Njuni alde leat guolggat nu unnit ahte

illá oidnojit, muhto oaivvis gal oidnojit

bures, earret muhtin njuoratmánáin ja

muhtin boares ádjáin.

Mii láhppit sullii čuođi vuovtta ja

guolgga juohke beaivvi, muhto šaddet

fas ođđa vuovttat ja guolggat. Buot

rávisolbmuin leat guolggat gieđaid vuolde ja siehpat

vuolledábiid birra. Dat ihtet iešalddes dan agis go gal

get. Muhtin olbmuin leat olu guolggat ja vuovttat ja

muhtin olbmuin fas uhccán. Dábálaččat leat albmáin

dahje dievdduin eambbo guolggat rupmašis go

nissoniin.

Lea vuogas go liiki lea goikkis ja buhtis, muhto ii leat

váralaš leat duolvvasnaga muhtin áigge ja de basadit

maŋŋá.

Go mii jorralit ja árpašuvvat, sáhttá

šaddat árpa liikái. Dat lea hávvi.

Muhtimin vardá hávvi, muhto

fargga dat skártu. Dalle lea rumaš

buoridišgoahtán hávi. Juos skárton

hávvi beassá ráfis savvot, šaddá liiki

seamma buorre fas go lei ovdal.

Juos guoskat báhkka ávdnasii, de mii

buolašit. Dat bávččaga hirbmadit. Dalle

lea deaŧalaš doapmat doallat buollánhávi galbma

čázis guhkibut go girttašii.

Dalle ii soaitte oppa

dovdot ge ahte lea buolašan.

Go beaivváš goardá liikki, de dat álggus ruvssoda

ja de ruškkoda. Ruškes ivdni orru liikki seallaid

siste. Dát ivdni suddje beaivváža vuostá

dego beaivvášlásat suddjejit čalmmiid

beaivváščuovgga vuostá.

Ii buohkain leat áibbas ovttalágan liiki.

Nuppiin lea čuvges liiki ja nuppiin fas

gápmáset liiki. Nu go muittát, de leat mii

iežamet eatni ja áhči seallaid seaguhus, ja

nu lea min liiki maiddái. Mii árbet iežamet

váhnemiid liikeivnni.

Olbmuin geat bohtet iešguđege oasis

máilmmis, lea iešguđetlágan liiki. Muhtimat leat

čuvgesvaragat ja muhtimat leat gámisvaragat.

Muhtimat leat áibbas čáhppadat nehkui. Olbmot

geain lea seavdnjadeamos liiki, bohtet daid

guovlluin máilmmis gos lea eanemus

beaivvádat. Sevdnjes liiki suddje bures

báhkka beaivváža vuostá. Olbmot

geain lea čuvges liiki, eai gierdda nu olu

beaivváža. Muhto liikeivdni lea dušše

olggumusas liikeseallain. Siskkabealde lea

buohkain okta ivdni.

Sáhttit dadjat ahte mii dego veaháš

sárdnut liikki bokte. Juos mii heahpanit

dahje suhttat, de ruvssoda ja lieggana

liiki. Go mii ballát, de liiki galbmo ja

bivastuvvá. Dán láhkai sáhttá olbmo

olgguldas olu čájehit.

Lea buorre dovdat go earát njávkkadit

min liikki. Dan mii dahkat go áigut leat

šiega guđet guimmiineamet. Dalle

mii buorrestit ja njávkkadit guđet

guoibmámet.

Girtat lea gierdat galbmasa dahje buollaša.