20 / 46
20
Vuoiŋŋahat
Dál leat gullan rumašosiin mat leat min olggul – nu go liiki,
bealjit ja čalmmit. Muhto dál galgá sáhka dain osiin mat
leat min siste, ja maid mii eat oainne..
Olu dáhpáhuvvá min
rupmaša siste, muhto mii
eat smiehta dan birra. Nu
lea ovdamearkan vuoiŋŋa
nasain. Dábálaččat mii eat
dovdda ahte mii vuoigŋat. Vuoigŋan manná
iešalddes.
Mii vuoigŋat oktilaččat, ijatbeaivái, oađedettiin
ja gozedettiin. Mii oaidnit olggul go olmmoš
vuoigŋá. Go mii rohttet áimmu sisa, de dievvá
áibmu geahppáide ja raddevuovda stuorru. Go
áibmu manná olggos, de guorranit geahppát ja
raddevuovda unnu fas.
Mii vuoigŋat sisa njunneráigge dahje njálbmeráigge
ja čottaráigge vulos. Dasto manná áibmu giehkárii,
mii juohkása unnit ja unnit bohciide. Loahpas
áibmu olle binna bánna geahpesbuljiide mat leat
siskkimusas geahppáin.
Buot rupmaša seallat dárbbašit dan áimmu maid
mii vuoigŋat sisa. Geahppáin váldet rukses varra
seallat áimmu mielddiset buot rupmaša seallaide,
ja dat manná hirbmat johtilit. Dan áimmu maid
eat dárbbaš, doalvu varra fas ruoktot geahppáide,
ja dat manná rupmašis fas olggos go mii luoitit
vuoiŋŋanasa. Buot dát dáhpáhuvvá juohke háve go
mii áimmu rohttet sisa ja luoitit olggos.