17 / 46
17
Go lea čuovgat, de báitá veaháš čuovga buot biergasiin min birra. Dát čuovga báitá gollášráigge čalbmái
ja dan sisa. Doppe siste leat eatnat iešguđetlágan seallat mat earuhit leat go čuvges vai sevdnjes diŋggat,
ja leat go dain ivnnit. Dát seallat dieđihit viidáseappot vuoigŋašiidda, ja vuoigŋašiin gávnnahit maid mii
oaidnit. Vuoigŋašiin sáhttit maiddái árvvoštallat leat go mii dan ovdal oaidnán.
Mii sáhttit čalmmiid lihkahit ja geahččat dasa
masa háliidat. Čalmmis lea linsa man sáhttit
muddet vai oaidnit čielgasit diŋggaid mat
leat áibbas lahka dahje guhkkin eret, muhto
eat sáhte oktanaga oaidnit čielgasit lahka ja
guhkás. Johtalusas sáhttá váttis árvvoštallat maid
lea deaŧalaččamus geahččat, danne fertet gulul
johtit ja bures geahččat birra.
Muhtin olbmuin lea vánes oaidnu, ja sii
dárbbašit atnit čalbmelásaid. Čalbmelásat
veahkehit čalbmecuocca muddet nu ahte
oaidnit čielgasit.
Muhtin olbmot eai oainne maidege. Sii
leat sovkkenat dahje čalmmeheamet ja
fertejit birget oainnu haga. Muhtimin
sáhttá leat váttis. Galggašeimmet
geahpidit sin dili.
Čalmmit leat maiddái oassi rupmašis.
Go mii leat ilus ja moddját, de oidno
dat min čalmmiin. Go mii ujostallat,
leat suhtus dahje váivvis, de oidno
datge čalmmiin. Go mii leat hui váivvis,
de golget nu olu gatnjalat ahte govdet
badjel.