25 / 46
25
Buot borramušain lea njaddi
31
ja hádja. Mii haksit ja máistit
njuniin ja njuokčamiin. Muhto
gosa šaddá borramuš maid mii
coggat njálbmái?
Juos seallat galget oažžut bibmosiid borramušas, de ferte dan mollet.
Álggus mii suoskat dan bániiguin. Njálmmis dat seahkána čolggain ja
šaddá muhtinlágan suohkadin
32
man mii njiellat.
Borramuš joatká de čottaráigge ja giehkáráigge vulos čoavjái. Čoavjjis
dat njárbboda ja smávvuda eambbo ja eambbo ja seahkána bures.
Čoavjjis duvdása borramuš sáhppasii.
33
Doppe biebmu njárbboda ja
smávvuda vel eambbo. Dál lea borramuš šaddan guomun ja lea oaidnit
dego málli. Bibmosat njammásit sáhppasa skitni
34
sisa. Doppe viežžá
varra bibmosiid ja doalvu daid miehtá rupmaša vái seallat besset válljet
daid bibmosiid maid háliidit.
Ii buot njammás sisa. Dat mii báhcá sáhppasii, manná gassačoallái.
Dakko gokko gassačoalli álgá, lea obbalággá.
35
Sii geaidda šaddá vuolši
36
obbalággái, fertejit čuohpahit dan eret. Dan haga birgejit bures.
Fiiberat ja bázahusat mat čoagganit gassačoallái, duvdásit viidáseappot
ja šaddet duotkan.
37
Go lea gártan olu duotka gassačoallegeahčái, de
fertet baikkašit. Čáhci mii báhcá liiggás rupmašii, manná manimuččaide
ja šaddá gužžan. Gužža golgá gužžaráhkkui, ja go lea olu gužža čoahkka
nan dohko, de fertet cissat dahje gužžat. Dat manná iešalddes.
Juos mii borrat menddo olu borramuša, de báhcá muhtin ráje liiggás
borramušas maŋŋá go seallat leat ožžon dan
maid dárbbašit. Liiggi vurke rumaš duokko
dákko. Juos borrat menddo olu buoiddes- ja
sohkarborramušaid, de lossut ja buoidut. Sii
geat leat buoiddit, sáhttet borrat unnibut
ja seaggut fas. Dalle golaha rumaš dan
borramuša maid lea vurken. Rupmašii lea
buoremus juos mii boradit muttágis áigebajiid.
BÁNIID mii dárbbašit biepmu suoskamii
ja smávvemii, ja daid berre bures dikšut.
Bániideamet galgat geallat amaset baktearat
darvánit daidda ja dahkat ráiggiid.
Unnin mis leat mielkebánit. Dat luovvanit ja
gahččet olggos njálmmis, ja de šaddet ođđa
bánit mat galget bistit eallinagi. Mielkebánit
luovvanit ieža go galget.
Čotta
Čoavji
Gassačoalli
Birasčoalli
Mani-
muččaide
Mani-
muččaide
Gužžaráhkku
Lággá
Gužža
Baika
Manimuš
Manimuš
31
Njaddi lea máistu, máhku dahje smáhkka.
32
Suohkat lea buvru.
33
Sáhpas lea birasčoalli.
34
Márfe «náhkki», «náhkki» mii lea čoavjjis, čoliin ja
váimmus.
35
Guomolággá, čoallemohkki.
36
Vuolši lea go lea «boalddáhat» mii
vuolšu.
37
Dat mii lea čoliid siste ovdal go boahtá olggos ja šaddá baikan.