28 / 46
28
Hoalda
Vuoigŋašat leat bures ráddjojuvvon oaivvi sisa ja leat ovddolaš
48
oassi rupmašis. Vuoigŋašat holdejit
49
rupmaša. Čalmmit, bealjit,
njálbmi, liiki, njunni ja olu eará oasit dieđihit vuoigŋašiidda maid
mii oaidnit, gullat, dovdat, máistit ja haksit. Visot dáid dieđuid
vuoigŋašat čohkkejit ja vurkejit, ja de lea mis juoga man birra
jurddašit.
Mo mii jurdagiid ráhkadit, ii dieđe oktage. Jurdda boahtá fáhkka, ja jurddašala
dettiin bohtet ođđa jurdagat. Ii báljo mihkkege máilmmis leat nu imašlaš go dat.
Jurdagiiguin mii sáhttit stivret rupmaša. Go mii leat jurddašan juoidá ja
mearridan juoidá, sáddejit vuoigŋašat dieđáhusaid rupmašii.
Dieđáhusat johtet ovdan ruoktot nearvvaid bokte. Nearvvat
leat dego telefonjohtasat mat mannet vuoigŋašiid sisa
ja olggos fas doppe – olu binna bánna, seakka
dieđáhusjohtasat.
Go mii váccašit, de vuoigŋašat gohččot nearv
vaid bokte juolgedehkiid lihkahit čoarbeal
lađđasiid ja čippiid ja julggiid, ja nu mii vázzilit.
Dieđáhusat mannet snáhppásit nearvvaid
mielde, nu johtilit ahte illá háhppehit jurdilit ge.
Vuoigŋašat dárbbašit áiggi gávnnahit mo rievttes
láhkái dieđihit. Jurddaš man guhká mánná ferte
hárjehallat ovdal go viehkala.
Go mii oaidnit ja gullat, máistit ja haksit ja dovdat,
de muosáhit
50
mii juoidá. Vuoigŋašat čohkkejit
fearániid ja jurdagiid maid bidjet oktii ja čatnet nuppi nubbái. Dáinna lágiin mii oahpa
hallat. Olu das maid mii oahppat, mii muitit, ja dan maid muitit, sáhttit geavahit eará
háve go dárbbašit dan. Dáinna lágiin sáhttit maiddái oahppat ja hoksát
51
ođđa áššiid.
Go don buolašat báhkka vuoššanpláhttii, de muittát dan nuppe háve go dahká miela
guoskkaldahttit báhkka pláhttii, ja dalle don it daga dan šat. Dalle leat oahppan
juoidá.
Jurdagiiguin sáhttit fuopmášit ođđa áššiid – mii govahallat. Miellagovahaladettiin
52
ovttastit ja sehkket veaháš das maid leat muosáhan veaháš dainna maid leat jurdda
šan. Dáinna lágiin mii fuopmášit ođđa jurdagiid. Miellagovahallamat ja jurdagat
sáhttet šaddat juonin juos atnit rupmaša. Dain sáhttet boahtit muitalusat dahje šuoŋat
dahje sárgosat dahje dánssat dahje áibbas eará.
48
Oavdu lea imaš, ovddolaš lea imašlaš.
49
Holdet lea stivret ja áimmahuššat. Hoalda lea stivrejupmi ja fiehttu.
50
Muosáhit lea vásihit dahje
fearánastit áiccuid veagas.
51
Hoksát lea gávnnahit dahje fuobmát.
52
Miellagovahallan lea fantaseren.