1.1 Digáštallančálus

 

Čeahpes digaštalli, son:

 

• Ráhkada dahje gávdná buori ákkaid.

 

Buori ákkas leat álo guokte oasi:

 

• Čuoččuhus
• Ákkastallan

 

 

Fuomaš! Muitte!

 

Jos čuoččuhat juoidá, de fertet maid ákkastit manne don čuoččuhat nu mo dagat!! Muđui dat šaddá dušše du persovnnalaš oaidnun > Dárogillii: "synsing”.

 

 

Čuoččuhus:

 

"Nieiddat leat buoret biilavuoddjit go gánddat!”

 

 

Ákkastallan:

 

"danne go...”  (dás galggat geahččalit duođaštit iežat čuoččuhusa)

 

 

Joavkobargu:

Geahččalehket gávnnahit buori ákkaid čuovvovaš čuoččuhusaide:

 

• Gánddat ja nieiddat galggašedje sirrejuvvot lášmmohallandiimmuin!
• Nieiddat leat fuonit skohtervuoddjit go gánddat!
• Árvosánit eret nuoraidskuvllas!
• Sámegiella bákkolaš fága buot sámigielddain/suohkaniin!

 

 

 

Digaštallančállosa bajilčála

 

• Hutkka buori bajilčállaga maŋŋá go leat geargan digaštallančállosiin.
• Buorre bajilčála boktá sáhkkiivuođa
• Buorre bajilčála lea álki áddet
• Buorre bajilčála čujuha teavstta sisdollui

 

 

Mo lea buorre digaštallančálus hábmejuvvon?

 

Álgu

 

Buorre álgu čilge oanehaččat man birra digaštallančálus lea. Dat lea dehálaš go dat addá lohkkái miela eambbo lohkat.

 

 

Váldooassi

 

Váldooasis ákkastat ja juogát váldodieđuid.

 

Rávvagat: Doalat buori ortnega:

 

• Lea álkit áddet sisdoalu
• Ákkas čielgasit
• Ráhkat buriid teakstabihtáid/časkástagaid (avsnitt)

 

Sánit, dahje čanastagat maid heive geavahit digaštallančállosa teakstabihtá álggus: vuosttažettiin, nubbin, goalmmádin, viidáset, lassin, deháleamos lea ahte...,  loahpas, maŋimustá,

 

Sánit, dahje čanastagat maid heive geavahit digaštallančállosa ákkastallamis: danne, danne go, dalle, go, de, nu

 

 

 

 

 

Loahppa

 

Rávvagat

 

    Čoahkkáigease iežat čállosa

    Ale buvtte ođđa čuoččuhusaid

    Oaččo ovdan mii váldoášši čállosis lea (hovedpoenget). Mii lea dán digaštallančállosa váldoágga?

 

 

Dávjá sáhttá ná loahpahit: "Konklušuvdna lea ahte...”