3. Šáŋŋer

Šáŋŋer mearkkaša šládja, kategoriija dahje luohkká. Mii geavahit šáŋŋer sáni go áigut muitalit ja čilget makkár girjji, teavstta, filmma dahje musihka mii guldalit. Gávdnojit vaikke man ollu iešguđetlágan šáŋŋerat. Omd lea luohti sierra musihkkašáŋŋer. Filmmaid fas sáhttit kategoriseret omd ná: ráhkesvuođa-filmmat, nuoraid-filmmat, mánáid-filmmat, komediat, sciencefiction-filmmat, action-filmmat ja dokumentárat. Teavsttat sáhttet leat sálmmat, artihkkalat, rohkosat,  jearahallamat, sártnit, muitalusat, divttat, vitsat ja ollu eará. Buot šáŋŋeriidda gullet dihto dovdomearkkat vai mii galgat sáhttit earuhit daid.