37 / 98
36
Duktit leat čohkken olu dieđuid guovžžakultuvrra birra mii lea
čađahuvvon jur buot árktalaš guovllu servodagain. Guovžžabivdo-
rituála muitala veaháš makkár oktavuohta olbmo ja ealli gaskkas lea,
ja makkár eallinođasmahtti fámuid duohken goappašagat leaba.
Guovžžabivdu lei juoga maid čađahedje ovttas, dan eai čađahan
iehčanassii. Sihke ovdal bivddu, bivddidettiin ja maŋŋel bivddu lági-
dedje viiddis seremoniijaid, ja dat guoskkai olles báikkálaš servodah-
kii. Guovžža atne buot gievrramussan buot elliid gaskkas, ja das led-
je maiddái erenoamáš fámut mat dahke ahte dan i sáhttán goddit
dábálaš vugiin. Go guovža lei gávdnon, de lei dehálaš ahte gieđa-
hallojuvvui dainnalágiin ahte dat ii galgan mávssahit bivdiide ja sin
servodahkii maŋŋel go lei jápmán. Muhtun álbmogat, nu go omd.
ainu-álbmot davit Japánas, válde vuos guovžža gitta eallinaga ja
godde easka maŋŋel go ledje doallan viiddis rituálaid, ja dasto bivde
ándagassii jápmán guovžžas ja bealuštedje iežaset vigiheapmin.
Dáhpáhuvai ahte maiddái sápmelaččat dološ áigge lávlo jápmán
guvžii ahte goddit eai gullan sin iežaset álbmogii, muhto ahte ledje
ruoŧŧelaččat, duiskkalaččat, englándalaččat dahje fránskalaččat.
Guovža sáhttá dulkojuvvot fámolaš lunddolaš eallima govvan. Dat lea
váriid ja vumiid hearrá, danne lea dehálaš doallat soabadandoaluid
maŋŋel go guovža lea njeidojuvvon. Go doalaha ustitlaš oktavuođa
bivdoelliin, de sihkkarastá ain valljugas bivddu.
Go siiddaolbmot ledje goddán
guovžža, de dan biergu buktojuvvui
lávvui “bassi uvssa” - boaššu čađa.