98 / 98
Mot máilbmi šattai
Mii lea riekta, mii lea boastut
Buori ja baha doarrumat
Luonddu fámut
Luondduipmiliid birra
Šamanisma
ISBN 82-92044-15-9
Mot šattai máilbmi? Gos bohte vuosttaš olbmot? Gii oahpahii
olbmuid eallit rievttes vuogi mielde? Lea go máilbmi ain nu mot
galgá leat? Dákkár áššiid leat olbmot imaštallan buot áiggiin ja
buot servodagain. Vástádusat leat muitalusaid bokte boahtán.
Daid bokte gaskkustedje olbmot iežaset máhtu buolvvas bulvii.
Dát máhttu lei oktasaš árbi mii čilgii sihke dan manne máilbmi
lea nu mot dat lea ja mot máilmmis berre eallit vai ii masse iežas
eallinskeaŋkka. Dákkár muitalusat gohčoduvvojit
myhtan
. Myhtat
čilgejit máilmmi šaddama earáládje go ođđamállet servodaga
dieđalaš čilgehusat. Myhtat leat eambbo go historjá. Dat leat
vuosttažettiin muitalusat mat gaskkustit dihto
eallinipmárdusa
.
Dat čilgejit eallima mii lei
ovdal
go historjá šattai.