36 / 98
35
Dološ sámi oskkus geavahedje bálvvosbáikkiid,
sieiddi
. Sieidi
čájehii ahte luondu lea bassi danne go báiki lei devdon eallinfámuin.
Sieidi juogaládje dego “dohppehii” olbmo vuoiŋŋalaš berošteami. Dat
veahkehii olbmo doalahit oktavuođa fámuiguin buriin ja rievttes vu-
giin. Go bálvalii sieiddi, de deaivvai olmmoš garra fámuid mat gask-
kustedje lihku bivddu, guolásteami, boazodoalu ja eará áššid dáfus.
Bassi báikkiid lávejedje bures doahttalit. Ii galgan man ge ládje riedjat
ja meannudit dákkár báikkiin.
Olu oaffar- dahje bálvvosárbevierut leat čadnon elliidbivdui, ja lei
dehálaš čađahit rituálaid rievttes vugiin vai sihkkarastá
bivdolihku
.
Dákkár rituálat dahje seremoniijat leat leamaš dábálaččat árktalaš
nomádakultuvrras. Rituálaid bokte čájehii iežas oktavuođa vuoiŋŋalaš
máilmmiin. Eai bálvalan dušše ovtta fámu, ledje oainnat olu vuoiŋŋalaš
sivdnádusat main lei dihto doaibma. Sámi oskkus bálvaledje máŋg-
gaid vuoiŋŋalaš fámuid mat gulle dihto báikkiide luonddus, ja vel ip-
miliid main ledje buoremuddui persovnnalaš iešvuođat. Rituálain
galggai oažžut luondduipmiliid buressivdnádusa, erenoamážit vai
sihkkarastá buori bivddu. Seremoniijain galggai omd. bidjat sállaša
dákterikki ruovttoluotta eatnamii nu ahte dat ii billahuvvan. Lei dehá-
laš doahttalit elliid, ja fuollameahttunvuohta sáhtii eaddudit elliid
vuoiŋŋalaš várjaleddjiid. Dasa lassin lei mávssolaš ahte ii vahágaht-
tán jápmán ealli, danne go oaivvildedje ahte ođđa eallit sivdniduvvo-
jedje jápmán ealli dákterikki vuođul. Jus dákteriggi lei billahuvvan, de
sáhtte ođđasivdniduvvon elliide šaddat vahágat ja vigit. Sámi árbe-
vierus, ja maiddái eará davviguovllu kultuvrrain, gávdnojit dákkár oaf-
farárbevierut, ja erenoamážit guovžžabivddu oktavuođas.
Sieiddá
Sieidi
Máskeváris Deanus.